أنت وبس !!

عجبتنى قوى قوى القصيدة العامية دى للشاعر الدكنور صلاح عبدالله .. وأنا كنت من عشاق شعره بكامله .. ولكن فى السنتين تلاتة الأخرانيين  لقيته غير أتجاهه السياسى 360 درجة  .. فأبقيت على حبى لكل شعره ماعدا السياسى ..

القصيدة الجميلة دى بعنوان (أنتِ وبس).   ) 

بالليل أنتِ الخمرة في كاسي...
والصبح أذاني وقداسي...
أنا من ممتلكاتك وأنتِ...
مملكتي وملكة إحساسي...
بالهمس ناديني وأنا أجاوبك...
مولاتي وستي وتاج راسي...
أنتِ لوحدك كل حكايتي...
وغرامي وشكي ووسواسي...
جواي حفرت حروف اسمك...
قبل ما أكتبها في كراسي...ك في ضلوعي...
مجنون وأتشرف بجناني...
وجنان العاشق دا أساسي...
كل العشاق في الكون مجانين...
ومفيش في الكون عاشق راسي...
محتاج حضنك يصبح وطني...
وعيونك دايما حراسي...
أنا بين أحضانك ملك الكون...
وفي بُعدك باعلن إفلاسي...
في الحزن أشيلك جواي...
وبروحي أطبطب وأواسي...
وأبني لك عشك في ضلوعي...
من دقات قلبي وأنفاسي...
وأعمل لك قلبي فراش وغطا...
وأنا قلبي حنين مش قاسي...
وإن كان دمع عيونك أنهار ...
أعمل لك أحضاني مراسي...
إن كنت في يوم ملاح فأنتِ...
شطي وبيتي وأهلي وناسي...
ووإن كنت في يوم فلاح فأنتِ...
نقطة عرقي وضربة فاسي...
يالي ابتساماتك ضليلة...
تحتيها مغارب وتماسي...
علشان الناس ما داقوش همسك...
اتخانقوا على فلوس وكراسي!!!...
أنت الحظ إلي في علم الغيب...
وأنتِ من امبارح ميراثي...
مش محتاج حد يفكرني...
أنا دايما فاكر مش ناسي ..