بدايــة القــــول .......
أى كلام لازم له بداية .. وبداية كلامى أقول.. أنا بقالى مدة أسمع عن المدونات .. وشباب المدونات .. وموضوعات المدونات ..
وكان لازم أشوف بنفسى ..
أخترت مدونة و أنتقلت منها لغيرها وغيرها .. مئات الآلاف من المدونات .. تضم ملايين من الشباب .. حاجة تفرح .. تحس أن مصر لسه بخير .. وأن الدنيا السودة اللى شايفينها دى سحابة صيف .. بس يمكن يكون صيف طويل شوية ، لكن الأكيد أن مصير السحابة دى تنقشع عن سمانا .. طالما بلدنا فيها الشباب الحلو ده ...
زى نوارة نجم ومدونتها الرائعة ( جبهة التهييس الشعبية ) ..ووائل عباس ومدونته الأشهر ( الوعى المصرى ) .. وغيرهما الكثير والكثير .الفلاسفة والخبراء السياسيين يقولولك أيه ؟
يقولوا أنك علشان تغير وطن أو بلد .. مش محتاج أن تكون الناس كلها بتفهم .. وعارفه اللى لها واللى عليها .. لأن طبيعة الشعوب ــ خصوصا فى العالم التالت ــ غير كده ..
لأن الأغلبية منهم لاتعرف حتى أسم أى وزير .. ويمكن ولا رئيس الجمهورية .. وهمها وشاغلها الشاغل لقمة عيشها وتأمين هذه اللقمة لأولادها ...
لكن فيه ناس فى كل مجتمع .. وبتكون أقلية ــ فى العدد ــ إلى حد ما .. هما دول اللى بيسموهم النخبة الشريفة .. بتكون مهمتها القيادة لأهل بلادها اللى مش عارفين حاجة .. بتاخد بإيديهم سواء فهموا وعرفوا .. أو مافهموش ولا عرفوش .. ومع ذلك ماسكين فى إيد النخبة دى .. مطمئنه لهم .. حاسة بالأمان معاهم .. علشان كده مسلمه لهم نفسها .. فى رأيى النخبة الشريفة دى هم بعض مفكرينا ..
وكل شبابنا فى المدونات .. كل واحد فيهم شايف المستقبل بعينيه ..
قد تختلف الرؤى والرأى .. لكن فى الآخر الشباب دول عايزين بلدهم حلوة .. وعندهم وجهة نظر .. ولهم رأى .. وبيعبروا عنه بكل الطرق ..
هما دول المستقبل .. هما دول التغيير الحقيقى .. هما دول النخبة الشريفة اللى كل الناس حاتمسك وتكلبش فى أيديهم .. لأنهم هم قادة المستقبل ..
علشان كده أنا غيرت منهم .. وقررت يكون عندى مدونتى الخاصة .. صحيح أنا شاب فوق الخمسين .. لكن شاب فوق العشرين بقلبى وعقلى .. قررت أشاركهم أفكارهم .. وحروبهم .. تطلعاتهم .. وآمالهم .. مشاكلهم .. ويومياتهم بكل مافيها من حلو ومر ..
وياريت تشاركونا أنتم كمان يا كل الشباب من العشرين للتسعين .. عروبتنا بتفرض علينا نتشارك فى الرأى والرؤى والأحلام .. فبدونهم .. وبدون مشاركاتنا الحقيقية لن نتقدم خطوة واحدة على طريق الحق والخير والحرية .
مع تحياتي....
صلاح إدريــس
صلاح أدريس الغالى..... جعل الله الريان بابكم .. والكوثر شرابكم .. والجنة مقامكم .. والعيد أحلى أيامكم .. وكم عام وأنت والأسرو والقراء بخير وصحة وعافية ... بدأت منذ فترة قصيرة متابعة المواقع النوبية .. ومع تحفظى على بعض مافيها .. الا أننى سعدت بمشاركاتك . ويسعدنى أن أكون المشارك رقم ( 1 ) فى مدونتك .. ولا يفوتنى أن أقدم لك التهنئة بمدونة بالبلدى الفصيح .. والى اللقاء فى مشاركة جديدة. والى أن نلتقى لك تحياتى ( أكيد عرفتنى ؟؟!!..)
ردحذفمدونة رائعه وممتعه ويشرفني قرائتها بستمرار
ردحذفرائع كما عودتنا اخي صلاح
بالتوفيق وإلى الامام ايها المبدع
اخوك/ ابو اصيل
www.ahlalgnob.com
بسم الله الرحمن الرحيم
ردحذف..................
روح وريحانه..
تهانينا للأخ / صلاح ادريس..
وكل عام وانت ةالأهل بخير
ألف مبروك الاصدار الجديد
ردحذفعلى امل التواصل دائماً عبر الشبكة العنكبوتية
بوابل من كتاباتك الكريمة
تهنئتي القلبية أستاذى الفاضل على هذاالمجهودالعظيم والمدونة الثرية..
ردحذفوهنيئاً لناأيضاً بهذاالفيض الرائع من الفكر المستنير ..
بإذن الله نكون من المتابعين لها ..
وفقك الله ..وإلى الأمام دوماً..
لك خالص تحياتي وعظيم تقديرى ..
منى كبارة ..
الكلام البسيط ده مافي احلي منو العبقري والرجل البسيط ابوصلاح لك مني كل الحب والتقدير abusida
ردحذفكلام جميل .... ومبروك على المدونة أ/صلاح
ردحذف
ردحذفشات عرب فن يعود من جديد
انضم معنا مع اقوى واكبر دردشة كتابية وصوتية
بدون اشتراك او تسجيل عن طريق الهاتف والكمبيوتر
بكل الحب نستقبلكم
مع اكبر تجمع شباب وبنات
من جميع انحاء الوطن العربى
كن مطمئنا مع اقوى حماية لمعلوماتك. وبيناتك الشخصية
مع تحيات ادارة الشات
الموهوب النسر الذهبى
اكتب فى محرك البحث جوجل (شات عرب فن)
او انضم من هنا ( شات عرب فن)
https://arabfun.com/chat