شامم ريحة وحشة !!

شامم ريحة وحششة !.. والفار بيلعب فى عبّى !!

..............

الفار بيلعب فى عبّى !! وأنتم عارفين صدق فأرى ..

وكمان شامم ريحة وحشة !!

كل مايقترب موعد محاكمة رؤوس الفساد وقتلة الثوار .. ألاحظ معارك جانبية مصنوعة بدقة ..

وآخرها جماعة من المحامين رفعوا دعوى النهاردة أمام القضاء الإدارى بيقولوا فيها أن خلع مبارك غير قانونى أو دستوى .. وأنه حسب الدستور مازال هو الرئيس الفعلى لمصر ..

وفى نفس قاعة المحاكمة كان هناك دعوى لأهالى الشهداء ..

ولكم أن تتخيلوا ماذا حدث بين دوول .. ودوول !! ..

ولسه ربنا يستر من الجمعة الجاية ..

وأنا شامم ريحة وحشة قوى لإثارة الفتنة والوقيعة بين الثوار والأخوان والسلفيين .. وبين الثوار والجيش .. وبين الجيش وحركة 6 أبريل ..

والدنيا والعة .. واللعب هنا سهل وممكن من أصحاب الأغراض والمصالح ..

ولو أى حد عمل نفسه أسلامى أو ثورى أو علمانى أو أى حاجة.. ورمى كلمة هنا أو هتاف هناك .. وواحد تانى من الجانب الآخر أو زميله وعامل نفسه من الجانب الآخر ، رد عليه بهتاف أو قلم على قفاه أو كلمة بذيئة !! ايه اللى ممكن يحصل من الملايين اللى فى الميدان المختلفة فى الرأى والرؤية ووسيلة تحقيق المطالب والأهداف !!

وكل المختلفين دوول مش عارفين أن دى تمثيلية الغرض منها وقوعهم فى بعض ..وياريت كام ألف مصاب ..وكام مائة قتيل .. والتمهيد آهو بدأ زى ماقلت لكم ..

ربنا يستر .. واللهم خيب ظنى ..

وموت فأرى ..

..............