(( أصدقائى الأعزاء المقال هام جدا جدا جدا .. ياريت ناخد
من وقتك دقيقتين بس لتقرأه ))
إفففففف ,, ريحة العفانة والنتانة .. عبأت العالم كله
!!!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
بما إن قراء كتير وأصدقاء كتير طلبوا منى أن أكتب عن موضوع
الطائرة الروسية ، يبقى من فضلكم بقى تصحصحوا معايا كده ، وفتحوا أمخاخكم ،
وأقرأوا بالراحة ،وبتمعن ، لأن كلامى هو معلومات أكتر منها مقال ..
من البداية كده
القانون الدولى بيقول أن الدول
اللى من حقها المشاركة فى لجنة التحقيق هى : أوكرانيا/روسيا/روسيا البيضاء/إيرلندا
/ فرنسا .. يعنى اللى صنع الطائرة ،واللى رخصها ،واللى شغلها، واللى له واحد مات
عليها .. يعنى أمريكا وأنجلترا مالهمش
لاناقة ،ولاجمل فى الموضوع ، ومع ذلك أمريكا طلبت من مصر الأنضمام للجنة التحقيق ،
لكن مصر وروسيا رفضوا لألتزامهم بالقانون الدولى
، ولأنهم عارفين أن أمريكا عايزة تبقى (البيج بوس) وتقول على لسان اللجنة اللى عايزه تقوله وبراحتها
بقى !!
ولما مصر رفضت ،
وفى نفس اليوم مباشرة طلعت أمريكا تشكك فى
سقوط الطائرة ، ووراها على طول إنجلترا أثناء زيارة السيسى لهم .. والأتنين قالولك
إن مخابراتهم سجلوا محادثة بين الإرهابيين ،عن عملية كبيرة حاتتم فى سيناء .. طيب
ياروح أمك أنت وهووه مابلغتوش ليه المخابرات المصرية ،والروسية ،فى حينه لتفادى أى
مصيبة .. ولو داعش هى اللى عملتها زى مابتقولوا
!! ليه ماأعلنتش ؟ وكلنا عارقين أن داعش لما بتدبح واحد بس
بتصورة سينما سكوب !! وتعرضه على العالم كله .. يبقى لما يعملوا عملية كبيرة قوى
زى دى مايصوروهاش ،أو حتى يعلنوا
عنها لطوب الأرض !! وعلى فكرة الكلام ده
اللى قالته الجرائد الأمريكية المحترمة وأولها ( نيويورك تايمز )!!
والصحف البريطانية جايبة واحد بيجمع فلوس فى مطار شرم
الشيخ ، وقالوا دى رشاوى علشان يعدى الركاب اللى يدفعوا !! وإمبارح بس طلع مراسل البى بى سى فى مصر وقال : ((أن الصور دى
قديمة ،وأنا اللى مصورها لمندوب شركة خدمات ، بتقدم خدمة (الفى آي بى )
للركاب القادمين ،مش المغادرين مقابل 20دولار ،بإنهاء إجراءات الوصول بمعرفة شركة الخدمات ،
وإستضافة الراكب فى صالون خاص بالشركة .. وأن الخدمة دى معروفة عالميا ،وتُقدم فى
مطارات الخليج بأسم ( أهلا ) .. وأيضا فى مطارات العالم)) .. يبقى أيه لزوم الوساخة ، والندالة ، والصيد
فى المية العِكرة ،اللى أعكر من وشوشكم !!
وبعدين تعالولى بقى
.. التقارير الدولية بتقول أنه من يناير 2015 لغاية النهاردة وقعت 13 طيارة
مابين ركاب وتجارية .. والضحايا بالآلاف .. وعمرنا ماسمعنا أنكم سحبتم رعاياكم من
أى دولة .. ولا نشرتوا تفاصيل أى حادثة .. ولا هاجمتم أو أدنتم أى حد !! أشمعنى
مصر ؟ .. ولا مصر وجعاكم قوى كده !!
وكمان الطيارة الماليزية اللى وقعت فوق أوكرانيا فى يوليو 2014 ، وعليها 298 راكب .. والطيارة أختفت تماما بالجثث اللى عليها ..
ولجنة التحقيق لسه مطلعه تقريرها اكتوبر 2015 يعنى أخذوا 15 شهر كاملة لغاية
ماحللوا، ورسموا ،وبحثوا ،وأتأكدوا من أسباب الحادث .. وقالوا أن صاروخ طلع من
الأراضى الأوكرانية ، بمعرفة المعارضة الأوكرانية
وضربت الطيارة .. وعملوا تصور سينمائى ( محاكاة ) لما حدث بالضبط وبرضه لاشفناتكم طلعتم وأدنتم ،ولا فتحتوا بوقكم
بنص كلمة ، لا قبل ظهور التقرير ، ولا حتى بعد ظهوره الشهر الماضى بس !!
والحاجة اللى تضحك بجد هو التقرير اللى طلعته جريدة (
الديلى ميل ) .. وبيقول أن طيارة ركاب
أنجليزية كانت فوق شرم الشيخ فى أغسطس
2015 ،وأنضرب عليها صاروخ .. واللى كان سايق
الطيارة مساعد الطيار ، فقعد يجيبها يمين وشمال ،والطيار نفسه قاعد جنبه يقوله أحوِد يمين
لآ لآ شمال
.. يمين شمال !! لغاية ماأتفادوا الصاروخ .. لا ياشيخ ..وحياة أمك !! ده لو توك توك مش حاتناور بالشكل ده مع صاروخ
موجه ،وبيتتبع سخونة محركات الطائرة .. طبعا الخبراء العسكريين فى العالم طلعوا إمبارح
،على الفضائيات وعملوا التقرير ده مُسختهم ،وتريقتهم ، وهاتك ياضحك وقهقهة .
وبعدين أنت نسيتوا 11 سبتمبر لما 4
طيارات طلعت من مطاراتكم الأمريكية ..
مطاراتكم أنتم .. ودخلت فى برجى التجارة بنيويورك ، وكمان مقر وزارة دفاعكم الشديد
والخطير قوى (البنتاجون) .. ومات أكتر من 3000 شخص .. وقتها أتنفختم ،وهددتم ،وتوعدتم ، وطلع بوش
أفندى كعب الغزال أغبى رئيس فى العالم
وقال بالحرف (( اللى مش معانا .. يبقى ضدنا )) .. والعالم كله أتعاطف معاكم .. ومشفناش حد منع رعاياه من السفر لأمرييكا .
رغم تأكد الجميع من خيبتكم القوية ، وأن أسطورة أقوى جهاز مخابرات بالعالم طلع
فاتشة .. وحسنين رُزة (المخبر ) فى نقطة
سنهورس ، أذكى من جهاز مخابراتكم العقيم !!
وبرضه الغبى الأعظم بوش وتابعه قفه ( تونى بلير ) شنوا دعاية قوية على وجود سلاح نووي
بالعراق ،ثم حرب شعواء ، ثم تدخل عسكرى ،ثم دمار كامل للعراق وثروته ،وأستشهاد
وتشريد الملايين ،وفى الآخر الأغبياء بوش
وبلير طلعوا زى العيل اللى عاملها على روحه !! ويقولوك أحنا
آسفين ،المخابرات بتاعتنا كانت غلطانة ..
آه ياولاد الكلب ياجزم .. تقتلوا الملايين ، وتدمروا بلد بحالها ، وبعدين تقولو
آسفين كأنكم دوستم على رجلنا .. ربنا
يورينا فيكم يوم يابهايم !!
والكل عارف أن الإرهاب موطنه وقياداته الرئيسية والرسمية
فى بريطانيا .. وكل إرهابيين ،ومجرمين العالم التالت هناك .. ومع ذلك عند اللى
خلفوكم دم ،علشان تيجوا تنصحونا ،وترشدونا وتشنعوا علينا بالكذب .. ياأخى شوفوا
نفسكم الأول .. ده اللى بيته من قزاز مايحدفش الناس بالطوب .. وإنشاءالله التعابين
اللى أنتم مربينهم فى أحضانكم مجرد
ماحاتدفى شوية مش حايلدغوا غيركم
وإنشاءالله تكون لدغة موت !!
ودلوقت طالع كلاب الأخوان جمال حشمت ومعتز مطر وعيرهم يقولولك أيه : لابد من تواجد قوات دولية
فى مصر لتحمى شعبها .. وده نفس الكلام اللى بتشير ليه السى إن إن وبعض السياسيين الأمريكان .
لغاية هنا والريحة المعفنة ضربت ،وسدت الأنوف .. وبعد
السرد الكامل ده أعتقد أن الحكاية بقت واضحة تماما .. فالمطلوب هو ضرب الأقتصاد
المصرى فى مقتل .. وتركيع مصر ،وقياداتها ،وشعبها علشان يقبلوا كل اللى يقوله لنا
الآمريكان ،وذيولهم .. وكله لأن مصر لسه
واقفة ،وصلبة ،وقوية بشعبها وجبشها ..
والمطلوب هو تركيعها ..
وكلمة أخيرة عايز أقولها للشمتانيين بقصد أو بدون قصد ..
وللمعارضين المصريين جوه مصر ،وبره مصر .. ياريت تراجعوا نفسكم .. أحنا بنقول
أيوة المعارضة مطلوبة مافيش كلام .. لكن فيه وقت لازم نقف فيه صف واحد وإيد
واحدة .. وأعتقد أن ده وقته !!
ولأمريكا وإنجلترا وذيولهما بأقول مش حانركع إلا
لله سبحانه وتعالى ، اللى خالقنا ،وحامينا
،وراعينا !! وعمرنا ماحانركع لشوية كلاب ،هدفهم
إستكمال تدميرهم لعالمنا العربى ،والأسلامى
،ومصر هى اللى لسه واقفه لهم فى الزور .. مش حايحصل ياولاد الرفضى ،ولو قرأتم تاريخ الـ 7000 سنة حاتعرفوا أن مصر
عمرها ماركعت فى يوم لحد غير الله رب
العزة سبحانه .
ومصر زى ماكانت
طول تاريخها مرفوعة الراس ،وعمرها ماطاطت .. ولا أنحنت .. فهى أيضا كانت دائما
بتقف على حيلها أقوى ، وأكبر، وأعظم من الأول .. وكل الضربات اللى على ضهرنا بتقوينا ،وتشد من عودنا ،وتجمعنا على قلب راجل
واحد .. ومصر جاية بإذن الله قوية منتصرة .. فأنتظرونا لأننا مش حانتأخر !!
بقلـــــــــــــــــــــم
صــــــلاح إدريـــــــــــــــــــس
Salahedris
@gmail.com
تم نشر المقال بجريدة الوطن الأحد 8 نوفمبر 2015
view-source:http://alwatneg.org/article/4008/%D8%A5%D9%81%D9%81%D9%81%D9%81%D9%81%D9%81_,,_%D8%B1%D9%8A%D8%AD%D8%A9_%D8%A7%D9%84%D8%B9%D9%81%D8%A7%D9%86%D8%A9_%D9%88%D8%A7%D9%84%D9%86%D8%AA%D8%A7%D9%86%D8%A9_.._%D8%B9%D8%A8%D8%A3%D8%AA_%D8%A7%D9%84%D8%B9%D8%A7%D9%84%D9%85_%D9%83%D9%84%D9%87_!!!!
ليست هناك تعليقات:
إرسال تعليق