المليون ونص اللى مجننة المصريين !!
ـــــــــــــــــــــــــــــــــــــــــــــــــــــــــــ
السيسى منح مكافأة لكل لاعب مليون ونص جنيه .. ومن ساعتها الدنيا قامت عند الحاسدين ، والحاقدين ,, واللى بيصطادوا فى المية العكرة .. ولسه ماقعدتش .. لكن الحق على الحكومة ووزارة الشباب اللى ماوضحتش كل الأمور ( كالعادة ) .
والحكاية ياسادة أن مصر حاليا هتستلم من الفيفا شيك بمبلغ 2 مليون دولار ..يعني بقيمة كل ما يتم صرفه لجميع اللاعبين !! ..وبعد إجراء قرعة كأس العالم مصر هتستلم 10 مليون دولار أخري ..يعني حوالى 180 مليون .. ..ليصبح دخل مصر للمشاركة فقط 220 مليون.. فلو اللاعبين والجهاز الفني اخدوا 70 مليون ..فيوجد فائض للبلد مادي بس 150 مليون جنيه ..
غير مكافأة أديداس 700 الف يورو يعني 140 مليون ..يبقي الإجمالي 360 مليون ..ولو هيتوزع 70 مليون على اللاعبين فسيبقى فائض حوالى 300 مليون جنيه !!
وبيتى وبينكم بقى أنتم مستخسرين هذا المبلع فى فرحة 104 مليون مصرى .. وملايين العرب .. طيب تخيلوا كده لو خسرنا الماتش وماتأهلناش !!.. كان حايبقى أيه الحال ؟؟.. ساعتها كان كل مصرى مستعد يدفع ولو 10 جنيه لتجميع حوالى 1000000000 جنيه (مليار جنيه) .. علشان نكسب ومانخسرش !! وآدينا كسبنا والحمدلله من غير ماندفع .. يبقى مانستخسرش الفرحة علي نفسنا .. وندور على طريقة ننكد بيها على نفسنا .. ونقتل كل فرحة بندور عليها بملقاط !!
بقلــــــــــــم
صـــلاح إدريــــــــس
تم نشر المقال بجريدة ( الوطن ) عدد الأثنين 9 أكتوبر 2017
http://alwatneg.org/tfr/2170#
/b>
ليست هناك تعليقات:
إرسال تعليق