اللى مايشوفش م الغُربال يبقى أعمى !!
الكلام النهاردة بمناسبة الحوار المجتمعى حول تعديلات الدستور .. واللى حايتحول أهم قراراته لمجلس النواب لمناقشتها والموافقة أو عدم الموافقة عليها ..وبعدها سيتم الأستفتاء الشعبى الرسمى على هذه التعديلات !!
كتير من أصحابى اللى كنت معاهم معارضا لكل العهود الماضية .. زعلانين منى لآنى لم أعد معارضا الآن .. وكأن المعارضة صفة شخصية .. وليست حالة !!
أيوه أنا كنت معارض لما كانت كل حاجة ــ بلا أستثناء ــ سيئة .. حاضرنا كنا بنعيشه يوم بيوم .. والمستقبل مبهم وغير واضح .!!
أنا فكرت أعدد لكم إيجابيات وسلبيات السيسى فى قائمة واحدة .. لقيتنى محتاج عدة مقالات لحجم الإيجابيات الضخم ..والسلبيات البسيطة ( والتى يتم حلها أولا بأول ) .. ولما راجعت الإيجابيات بره وجوه .. لقيت أننا كلنا ( مؤيد ومعارض ) .. شايفينها ..وحاسينها كويس قوى .. وعارفين إن اللى حصل وبيحصل فى مصر فى الأربع سنين اللى فاتت هو معحزة بكل المقاييس .. وده مش كلامى .. ده كلام كبرى المؤسسات المالية والأقتصادية فى العالم.. وأصبحت مصر قدوة ومثل يُحتذى للدول اللى عايزه تنمو .. مصر يااخواننا بتكير .. وتخلصت من عجز الموازنة .. وحققت فائض محترم بيتزايد كل يوم .. والغريبة أنها بتبنى ، وتعمر ـ وتشق طرق ـ وتقيم مشروعات عملاقة .. وعلشان محدش يقول الناس مش لاقية تاكل .. صدرت القرارات بتحسين الآجور والمعاشات .. واللى مش عاجبه القرارات دى .. وطمعه وطفاسته مخلياه عايز أكتر وأكتر .. بنقوله اهدى على نفسك وبلدك شوية ياعم الحاج .. دى نواية تسند الزير .. واللى جاى أحسن بإذن الله وعونه .
وكلنا بقينا شايفين النور اللى أبتدى يبان فى آخر النفق المظلم اللى كنا فيه !!
يبقى لازم أقول لشوية الآرهابيين والكولجية والعصابات اللى بيهاجموا مصر والسيسى عاطل على باطل .. وبيشّهروا بالبلد .. وبيروجوا الآشاعات كل يوم ، وعن كل حاجة !! وحايبتدوا يلكوا .. ويعجنوا ..وبهجصوا ..على مواقع التواصل بكلامهم الخايب اللى لا بيودى ولا يجيب .. ولا حتى يشترى زمارة لعيل .. بأقولهم لو حضرتك معترض ومش موافق ، يبقى تنزل تقول رأيك فى الأستفناء .. ونشوف عددكم كلكم على بعضكم كام ؟ .. ومش حاتطلعوا أكتر من 20% .. وساعتها ياريت تحطوا لسانكوا جوا بُقكم ..ومانسملعكمش صوت تانى !!
عارفين ياأهل مصر الطيبين الحكاية فى كلمتين أيه ؟؟.. زى مايكون عندك قزازة كولا .. والقزازة أترجت كتير ، وأتمخمصت كتير قوى .. من الآرهابيين .. والكولجية .. والمصلحجية .. ولو أنت فتحت القزازة وهى كده يبقى ياحلو حاتغرّق نفسك وهدومك .. وحاتتبهدل آخر بهدلة .. لكن لو سبتها شوية لغاية ماتهدى وتركز.. والغطاء مقفول عليها عمرك ماحاتتبهدل .. والسيسى هو الغطاء بتاع القزازة اللى لازم نحتفظ بيه مُحكم الغلق على القزازة .. علشان نحافظ على بلدنا من مصير لايعلمه إلا الله .
ولو أنت بقى مش شايف ولا حاسس ولا لامس التحسن والخير اللى بيحصل فى بلدك .. تبقى ــ لامؤاخذة ــ البعيد أعمى !!!
بقلــــــــــــــم
صـــــــلاح إدريــــــــــــــس
تم النشر (بجريدة الوطن) .. عدد السبت 6 أبريل 2019
بسم الله الرحمن الرحيم
ردحذفالسلام عليكم ورحمة الله وبركاته
شركة القوة افضل شركة خدمات في المنطقة الشرقية
افضل شركة تنظيف بالدمام تعتبر من أشهر الشركات الموجودة في الدمام والتي تمتلكها شركة القوة لخدمات التنظيف المتعددة، وهي تقدم خدمة ممتازة جدا وحازت على ثقة الكثير من العملاء بسبب الدقة والأمانة في تقديم خدمة التنظيف بمختلف أنواعها، وتقدم الشركة خدمات التنظيف لمختلف الهيئات والمؤسسات والفلل والبيوت، لذلك دعنا نتعرف على شركة تنظيف بالدمام والخدمات التي تقدمها من خلال هذا المقال.
شركة تنظيف بيوت بالدمام
شركة تنظيف فلل بالدمام
شركة مكافحة حشرات بالدمام
شركة رش مبيدات بالدمام
شركة ابادة حشرات بالدمام
https://al-koya.com
شركة تنظيف سجاد بالدمام
شركة تنظيف موكيت بالدمام