الخيبة الكبيرة ياعم ... والعسكر كتيره !!
************
وسط الأحباطات ... والحنق الأزلى... والغضب العارم ॥
أثناء أنتخابات المجالس الشعبية المحلية لمصر المحروسة .. والتى جرت يوم 8 أبريل 2008 ..
كل مشاعر الألم واليأس .. لدى الشعب المصرى المقهور .. جعلهم يخرجون من رحم معاناتهم .. كلمات يفضفضون بها عن أنفسهم .. ومايعتلى داخلها .. وركبوها على أغنية خالد الذكر ( سيد مكاوى ) غناءه وألحانه .. وكلمات الشاعر العظيم صلاح جاهين ( أوبريت الليلة الكبيرة ) وكلنا نعرفها .. ونحفظها جيدا عن ظهر قلب ..
وقد غيرت الجماهير كلمات( الليلة الكبيرة ).. ووضعوا بدلا منها كلمات تتماشى والزفت اللى همه فيه ..
ويارب تعجبكم الكلمات الجديدة المركبة .. لأنها بصراحة عجبتنى جدا ..
***************************
قايمة حزب الفساد وضبوها ...وأتخانقوا كتير قوى لما أختاروها ..قايمة حزب الوالى .. بالظلم جاية ....محلى القوايم يابا .. لما زوروها ..إدفع .. إدفع .. ده اللى مايدفع .... عندنا يرجع ..يرجع ويقول .. الحزب أختارنى ..... خش .. وأتقرطس .. ولا شارنى ..يسترك .. هات حزب بقرش ... حزب مالوش شعبية ... حزب لا .. ليك ولا .. ليا ..ألحق زور ... ألحق أسرق .. وأسعى .. أسعى .. أسعى ..ده الصندوق أبو زمة .. واسعـــة
*****
الخيبة الكبيرة ياعم ... والعسكر كتيرة ..ماليين الشوارع يابا .. بالشوم والبنــادق ..دول مخبرين .. ودول أمن دولة ....ودول بلطجية ياعم .. وجايين مقاولة ..
*****
ياحضرة الأراجوز قوللى ... نعم ياسيدى عاوز أيه ؟؟ الخير الحقيقى حايوصللى .. أمدح نبينا وصلى عليه .. اللهم صلى عليه ..حايخدعوك على طول .. على طول ..لحد ماتدى صوتك ..تسأل عليه .. تلاقيه مشغول .. لحد مايطلع روحك ..وتجوع مراتك وعيالك .. ومافيش لاز يت بقى .. ولا سكر ..وهو عايش .. وبمالك .. بيمشى على طول يتمختر .. يفضل كده .. يسرق ويغش .. لحد الخزنة ماهتنش ..ولما تلقى الحزب فشنك ... إعرف إنك تهت وضعت ..ياه دى الدنيا ضلمة .. والتوهة جاية مع السلامة .. مع السلامة .. مع السلامة فى الجولة الجاية ..
*****
فتح عينك .. أياك تهرب ... صوتك .. صوتك .. اللى حايكسب الليلة الحزب عامل لجنة تساوى جنيه ..قولوا هيه .. هيه .. هيه ...وقالولنا تشاركوا بصوتكم .. تعالوا وشوفوا حايحصل أيه ؟؟قولوا هيه ... هيه ... هيه ..اللجنة .. شاويش يهجم ع الناخب .. ويقبض الضهر عليه ..قولوا هيه ... هيه ... هيه ..نسوان شكل الحناطير .. طايحين وأنا عارف ليه ..قولوا .. هيه .. هيه .. هيه وكمان واد مرشد .. قاعد يرصد .. كل اللى يمر عليه ..قولوا هيه ... هيه .. هيه ..ياأم المزور .. خشى اللجنة سبع مرات ..آهى مره بعمة .. ومرة بلوزة وفيونكات ..الشعب مصحصح .. وعلقة تفوت .. ولا بلدى تموت ..بيشارك آهه فى حط الصوت ..
****
ناس من الحكومة هناك أهم.. أعمل كمين وأندهلهم ..لجنتكم زفت وقندلة .. أشطب وزور ياوله ..ياولاد الحلال .. حزب تايه ..طول كده عكازة الشمال .. أمن دولة زى ده ..ضاعوا ياولداه .. يامامى كام مرشح تاه
*****
دى الخيبة الكبيرة ياعم ॥ والعسكر كتيرة ॥ماليين الشوارع يابا ॥ بالشوم والبنادق.....
***************
ليست هناك تعليقات:
إرسال تعليق