لللكتزوجين فقط

للمتزوجين فقط

ـــــــــــــــــــــــــــــــــــــــــ

زوجتى لاتعمـــل
حوار بين زوج وطبيب نفسي
المعالج : ماهي مشكلتك سيدي ؟
السيد : روتين وضغط العمل

المعالج :ماهي وظيفتك سيدي ؟
الزوج : محاسب في بنك ..
المعالج : ما هي وظيفة زوجتك ؟
الزوج : لا تعمل مجرد ربة منزل !!

المعالج : من يوقظك ؟ ويوقظ ابنائك ويصنع الفطور لك ولهم في الصباح ؟
الزوج : زوجتي ﻷنها لا تعمل !!
المعالج : متى تستيقظ زوجتك ومتى تستيقظ أنت صباحا ؟
الزوج : زوجتي في الساعة الخامسة صباحا وأنا في الساعه السابعة ، لأنها تعد الأطفال للمدارس ، وتعد لنا الفطور لأنها لاتعمل !!!
المعالج : من يوصل أطفالك للمدرسة ؟
الزوج : زوجتي فهي لا تعمل !! .. !!
المعالج : ماذا تفعل زوجتك بعد توصيل اﻷطفال للمدرسة ؟ وماذا تفعل أنت ؟؟
الزوج : تعود وتعد الغداء ،  وتغسل الملابس ، وتنظم البيت وتنتظر عوده الأبناء ,, فهي بدون وظيفة و لا تعمل .. !! وانا أذهب لعملي حتى الثالثه بعد الظهر !!
المعالج : في المساء حين عودتك من العمل ماذا تفعل سيدي ؟ وماذا تفعل زوجتك ؟؟
الزوج : آخذ قسطاً من الراحة بعد الغداء بعد يوم شاق من العمل .. وزوجتي  تستذكر مع الأبناء واجباتهم اليومية وتوقظني بعد ذلك لنشرب الشاي معا

المعالج : وأنت ماذا تفعل بعد ذلك وماذا تفعل زوجتك في المساء ؟؟
الزوج : أتصفح أنا الصحف ، وأتابع التلفاز ، وأخبار العالم ، وزوجتي تعد العشاء لي وللأطفال  ،ثم تغسل الصحون ، وتنظف المنزل  ،وتجهز اﻷطفال ،فهى لاتعمل !!
اﻵن .. من منكما محتاج إلى طبيب نفسي أنت أم هي سيدي  ومن محتاج للراحه من ضغط العمل أنت ام هي سيدي !!!!!
؟هل الروتين اليومي للزوجة من الصباح الباكر حتى وقت متأخر من الليل يسمى  لااااا تعمل
وبدون وظيفة !!!
تعمل بدون ساعات عمل ، وبدون راتب ، وبدون تأمين ،وبدون علاوات  ، وبدون حوافز، وبدون كلمة شكر، ومع كل هذا لا تكل ، ولا تمل ، ولا تشتكي ...كل هذا ويقال عنها انها لا تعمل
تحية
لكل أم
وكل اخت
وكل زوجة
وكل بنت
للأسف مع هذا يدعون انها عاطله !!!

بقلــــــــــــــــــم

صـــــــــلاح إدريـــــــــــــــس

salahedris@gmail.com

مدون بالبلــدى الفصيـــــح

http://plackprince.blogspot.com

Face book  : salah edris

salahedrisــ صلاح إدريسTwiteer :

سيدة الإسكندرية الأولى

بالبلــدى الفصيــــح :

سيدة الإسكندرية الأولى

ـــــــــــــــــــــــــــــــــــــــ

يعنى ياربى  لما ييجى محافظ للإسكندرية ،   نتعشم  فيه  بشكله  الحلو .. وكمان إسكندرانى .. وشاب  .. ولديه رؤيه ،   وطموح  للإسكندرية  .. فنتحسد عليه ،   ونلاقى مراته من أول يوم عمل  له   عامله في أمها  سيدة الإسكندرية الأولى .. ، وبتشارك فى كل الأجتماعات  ، واللقاءات  بتاعته ، ودلوقت  بتمُر لوحدها على مؤسسات ،  وأجهزة ،  وإدارات  الإسكندرية ،  فى حملات تفقدية  ،  وبعد شوية حاتبقى تفتيشية  ، وبعد شويتين  حاتصدر قرارات بالعقاب والفصل لمديرين المديريات .. وبعد تلات شويات  حانخلص من بوزها النحس .. ووش جوز الست  الحلو  ويرتاح الإسكندرانية من حالة  الإنزعاج ، والقلق اللى همه فيها دلوقت .. وياريتك ياولّيِه تختشى شوية ، وتكِنى فى بيتك تعمليلك حلة محشى ، ولا دِقيِة بامية  ،   وماتضيعيش جوزك !!! أحسن تلاقيه قاعد جنبك  يفليلك العيال !!

بقلـــــم

صــلاح إدريـــــس

مدون بالبلــدى الفصيـــــح

salahedris@gmail.com

تشريفكم لمدونتى  يسعدنى .. ويمتعّكم ، ويفيدكم

http://plackprince.blogspot.com/

أسممع كلامك أصدقك .. أشوف أمورك أستعجب !!

بالبلدى الفصيح

    أسمع  كلامك  أصدقك .. أشوف  أمورك  أستعجب !!

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

            من شهور وأحنا  بنسمع  ونتابع  الحديث  المتواصل  والمتكرر  عن  المؤتمر  الأقتصادى  بشرم  الشيخ 13 ــ 15  مارس  2015 .. ناس  كتير  متخيلة أنه  بمجدرد ‘نعقاد  المؤتمر ستنهال   عليهم  الفلوس  من  دش  الحمام .. لكن  الحقيقة  أن  المؤتمر  ده  هدفه   توضيح المناخ  الأقتصادى  بمصر  بعد  30/6 ..

وإطلاع المشاركين  من الدول والشركات العالمية  ، على  مدى  تغيير  سياسات  الأقتصاد والأستثمار فى مصر ،  وتسهيلها  كأى دولة  كبيرة  فى  العالم .. وكمان  عرض  العديد  من  المشروعات  الأستثمارية ،       المتاحة ، والمعروضه بدراسات جدوى  كاملة  من  الحكومة المصرية .

              لغاية  هنا  والكلام  حلو  قوى  .. واللى  مش  حلو  خالص  بقى  هو  أن  قانون  الأستثمار  الموحد  الجديد  اللى على  أساسه  حانجذب  كل  المستثمرين   ، واللى برضه  على  أساسه  وجهنا الدعوة  للعالم  كله .. لسه   لغاية  النهاردة  لم  يصدر !!  تخيلوا  !!  والظاهر محلب  ووزارته  بيسوووه  على  نار  هادية  علشان  يطلع  مستوى  وجيد  الطعم  والرائحة .. وبصراحة  بطء  أتخاذ  القرارات  فى  الحكومة  دى  مخللينى  خايف  أحسن  القانون  يتحرق  فى  الفرن  ،  وماينفعش  لا  طبلة  ولا تار ..  ياحكومة  فاضل  شهر  على  إنعقاد  المؤتمر  ، وأنتم  لغاية  دلوقت  لم  تنتهوا  من  أهم  حاجة  فيه القانون  المنظم !! ..  ياخلق  هوووه  ،  إنجزوا  بقى  خلتونا  نبيِض  الله  يخرب  بيوتكم .

بقلــــــــــــــــــــــــم

صـــــــــلاح إدريـــــــــــــــس

salahedris@gmail.com

مدون بالبلــدى الفصيـــــح

http://plackprince.blogspot.com

عشاء على خساب صاخب المخل

عشاء على خساب صاخب المخل

ـــــــــــــــــــــــــــــــــــــــــــــــــــــــــ

      إمبارح بعد حفلة الأوبرا  اللى رتبها السيسى لضيفه  الروسى بوتين .. أخذوا بعضهم وراحوا أتعشوا فييين ؟  فى برج القاهرة !!

والبيانات  الرسمية قالت إن الهدف من العشاء بالبرج  هو أن يشاهد بوتين القاهرة  من أعلى مكان بها !!  يشوف أيه ياأخوانا  والدنيا ليل ، ومافيش أى حاجة حاتبان غير الأنوار !!

أنا بقى أقولكم ليه السيسى أختار برج القاهرة ؟.. من المعروف أن أمريكا فى عهد عبد الناصر قدمت رشوة عدة ملايين من الدولارات لعبد الناصر  لتجنيده لحساب مصالحها .. طبعا عبد الناصر  فضحهم ، وأخذ الفلوس  ، وأنشأ بها برج القاهرة ، وقال  : لازم فضيحتهم تكون فى أعلى مكان بمصر علشان الكل يشوفها ، وتفضل سُية فى جبينهم الدهر كله !! وهاهو السيسى  (الداهية اللئيم )يؤكد ذلك ويجدده  ويترك العالم كله يتساءل عن سبب أختيار برج القاهرة لهذا العشاء .. وبكده يبقى العشاء  على خِساب  صاخب  المخِل !! ملعوووووووبة ياسيســــى .

كلب الباشا

كلب الباشا مات .. مشيت وراه كل البلد !!

الباشا نفسه مات .. مامشيش وراه ولا كلب !!!!!!!

       ( ياترى حد فهم حاجة ؟ )

الأغبياء  والقانون الأغــبى !!

ـــــــــــــــــــــــــــــــــــــــــــــــــــــــ

          الحكومة بتفكر فى إصدار قانون يجرم أى شخص يشتم أو              يهاجم ثورة يناير أو ثورة يونيه !! بالذمة شفتوا هَبَلّ أكتر من كده  ؟؟  ده فيه ملايين من الناس بتكره ثورة يناير ،  وبتلعن اليوم اللى شافوها فيه !! وملايين تانية بتلعن 30 يونيه ، وكل اللى عملوها ، أو شاركوا فيها ، أو حتى يجيبوا سيرتها !!

          طيب أيه أخبار ثورة 1952 ، وثورة 1919 ،   وثورة عرابى !!..

مش فاهم يعنى أيه يسجنوا اللى بيحب حاجة ، ومابيحبش حاجة تانية ؟؟..  لو وافقنا على هذا القانون الغبى   ،   لازم نحبس اللى بيحب محمود ياسين ، ومابيحبش حسين فهمى  مثلا .. أو اللى بيحب الملوخية ، وبيكره القلقاس   ، أو اللى بيحب الفانيليا فى الآيس كريم ومابيحبش الشيكولاته .. واقعد أحسب من هنا للسنة الجاية  كام حاجة بتحبها  ،  وكام حاجة مابتحبهاش .. ولو القانون ده طلع فعلا يبقى الشعب كله حايتسجن بإذن واحد أحد !!

         ايها الأغبيـــاء .. أختشوا على د

مكوا  .. وفكروا شوية قبل ماتتكلموا ،  وتقترحوا قوانين  عمرها ماحاتتنفذ !!! وكمان مش حاتلاقوا سجن يشيل شعب بحاله !!!!!

بقلــــــــــــــــــــــــم

صـــــــــلاح إدريـــــــــــــــس

salahedris@gmail.com

مدون بالبلــدى الفصيـــــح

http://plackprince.blogspot.com

القــط أصلــه أســــــد

القُــط أصلـــــه أســـــــد

ـــــــــــــــــــــــــــــــــــــــــــ

القط أصله أسد  .. كلام غلط مليون فى الميه .. والحكاية أن القط المغرور لما بيبص لنفسه فى المراية الكذابة  ، بيشوف نفسه أسد .. لكن فى الحقيقة هو قط .

هى دى حكاية الجماعات الإرهابية .. من يوم 30 يونيه لغاية النهاردة أعلنوا عن الحشد والتجمع والثورة أكتر من 16 مرة ..!!  أقواهم كانت يوم ذكرى أعتصام رابعة .. وفى كل مرة ــ للأسف  ــ الإعلام بيصدقهم ، وا لأمن بيحشد القوات ـ والناس بتدخل بيوتها وماتطلعش  ، أو حتى تبص من الشبابيك ، ويتجمع الكل أمام الشاشات  ، مترقبين ومتربصين .. منتظرين  الثورة والأنفجارات  .. ودايما بيطلع الفيلم  كله فشنك .. فلا بيقدروا يحشدوا ، ولا يهببوا ، لأن أنصارهم خلاص ياإما بيخافوا من الأمن والشعب ، ياإما مابقوش يصدقوا الجماعات دى ، والمرتزقة اللى بيأجروهم بقوا يحسبوها صح  ، ويقولولك أيه فايدة آلاف الجنيهات  ، وأنا متعرض للموت أو للسجن !!

وأكتشف القط أخيرا ، أنه قط ، ومش أسد ولا حاجة !! لكن برضه غبائه الأزلى بيصور له أنه ممكن يكون أسد !!

والعيب الأكبر  مش على القط  !! لكن العيب على اللى أفتكروه أسد ،  من وسائل الأعلام ، وروجوا لصورته على أنه أسد ، مع أنهم ياأخى عارفين كويس أنه قط ، لكن علشان يبيعوا كويس  لازم يستغلوا صورة القط اللى أصله أسد .. وعلى رأى الصديق العزيز الكاتب الصحفى / أحمد الصاوى اللى كتب النهاردة على صفحته  (( الثلاثة يشتغلوننا :ـ  الحكومة  والأخوان والأعلام ))

ومايبقاش فاضل غيرنا أحنا المصريين .. اللى لازم نتأكد تماما أن اللى فاكر نفسه أسد  .. ماهو إلا فار مذعور ، كل همه يجرى ، ويستخبى فى أى جحر وسخ ، خوفا من الجزم و الشباشب اللى نازله على راسه .

************

بقلــــــــــــــــــــــــم

صـــــــــلاح إدريـــــــــــــــس

salahedris@gmail.com

مدون بالبلــدى الفصيـــــح

http://plackprince.blogspot.com

مُـــــزز الأخــــوان

مُـــــزز الأخــــوان

ـــــــــــــــــــــــــــــــــــــــ

         هى مظاهرات الأخوان مالها أحلوت كده يارجالة ؟

الجيش السورى الحر  مليان مرتزقة خناشير من كل إرهابيى العالم .. ومظاهرات الأخوان فى مصر كلها  ( مـُزز ) من سوريا !!  ... المعادلة غريبة ومتناقضة !!
 
  
بس ياللا آهو هناك ولا هنا  كله فى صالح الإسلام الأخوانى !!  وماأعتقدش حد من الشباب معترض !!

مش كدددددددده .. ولا أيييييييييه ؟

دخول الجامعةبالبكينى

دخول الجامعة بالبكينــــــى

ــــــــــــــــــــــــــــــــــــــــــ

       الجامعة أصدرت قرارا بعدم دخول الطلبة بالشورت .. والطالبات بالحمالات والفيزون والبطن العريانة .. أحتراما للتقاليد الإسلامية ..و الجامعية .. شوفوا بقى علاء عبد الفتاح كاتب أيه على تويتر ردا على هذا القرار !! وكاد يقتررح دخول الجامعة بالمايوهات البكينى !!

       ومش معنى أننا خلصنا من حكم الأخوان والإسلام السياسى .. أننا نُفّجُر ونمارس حريات بذيئة تتنافى ودبننا الأسلامى والمسيحى .. لأن هذه ليست عادات المصريين .. ولا الإسلام السياسى كان هو الحارس للدين .