نماذج مشرفة

نماذج مشرفة

اــــــــــــــــــــــــــــ

                         الحكاية دى عرفتها إمبارح بس  بالصدفة .. رغم أنها من فبراير الماضى !!.. ويمكن قبل كده كمان .. لكن  لا  الأعلام  ، ولا الصحافة  أتكلموا ، أو سلطوا الضوء عليها كالعادة  .. لأن المصايب والسلبيات عندهم أهم !! ..وبتجيب مشاهدات عالية .. وأعلانات بفلوس كتيرررررة !! .. وده الأفضل طبعا .. بس مش عارفين الأفضل لمين ؟

              والحكاية حكاية بنت صغيرة مصرية ( 17 سنة ) أسمها ( دينا موسى ).. وهى من أبوين مصريين ، ومولودة وعايشة فى بنسلفانيا ــ أمريكا .. ومن غير ما أدخل فى تفاصيل ــ  ممكن تعرفوها من جوجل ــ لو كتبتوا أسمها .

             الخُلاصة أن الفتاة المصرية أبتكرت محلولاً سائلاً يوقف نزيف الجروح في غضون 10 إلى 12 ثانية .. وأطلقت على المركب الكيميائي الذي أخترعته  «هيموستات في- سيل»،..   ولهذا المركب إمكانات ضخمة في المجالين الطبي والعسكري ،  بحيث سيمكن علاج جروح الجنود فى الحروب ، ومصابى الحوادث الخطيرة  في غضون ثوانٍ ــ ومهما كان الجرح كبيرا والنزيف كثيرا ــ .. وتخيلوا أهمية  هذا الأبتكار الذى يمكن أن ينقذ أرواح الملايين من جرحى الحروب ، والحوادث  ، والذين يموتون نتيجة النزيف المستمر ، وعدم إيقافه فى الوقت المناسب .. بصراحة ده أبتكار العصر.. وسيُخلد أسم ( دينا موسى ) فى التاريخ الطبى ، والتاريخ كله .

               وقد فازت المخترعة الصغيرة (دينا موسى) بجوائز عدة عن العمل الذي قامت به ، بما في ذلك جوائز من شركة «جوجل» .. ومن وكالة الفضاء الأميركية (ناسا) .. ومن الخارجية الأمريكية .. وقد أجرى العديد من القنوات الأمريكية والبريطانية  ، والعالمية ،  لقاءات متعددة مع العالمة المصرية الصغيرة .. وأحنا ولا أحنا هنا !!.. أو على الأقل لم نُسلط الضوء بالقدر الكافى على هذه المخترعة المصرية الصغيرة .. ويوجد مثلها كتير ــ بالمناسبة يعنى ــ .. بس أعلامنا المرئى والمكتوب  بعافية شوية .. وربنا يشفيه مما فيه !!

بقلــــــــــم

صــــلاح إدريــــــس

salahedris@gmail.com

 إمتى تتجوزوا ؟؟

ــــــــــــــــــــــــــــــــــــــــــــــــ

اتجوزي لما تحسي إنك ممكن تصحي من أحلى نومة في عز البرد عشان تعمليله كوباية شاي ، وانتي مبسوطة  ، مش وانتي بتقولي بالسم الهاري!!.. اتجوزي لما تلاقي نفسك تقدري تستحملي عصبيته وتكشيرته .. اتجوزي لما تلاقي نفسك عايزة تخرجي وتمنعي نفسك من الخروج عشان تقعدي معاه.. اتجوزي لما تحسي إنك تقدري تضحكي على نُكتُه البايخة ، وتلاقيها تعجبك .. أتجوزى لما تلاقي نفسك مختلفة معاه في الرأي ، بس مش عايزة تعبري عن رأيك عشان ماتضايقيهوش ..  أتجوزى لما تلاقي نفسك مستعدة تضحي بشغلك عشان تقعدي في البيت تريحيه ، أو تسافري معاه لمكان بعيد .. أتجوزى لما تحسي إنك ممكن تطلعي من بيت أهلك اللي عشتي فيه مش أقل من 20 سنة عشان تعيشي معاه .. أتجوزى لما تحسي إنك قادرة تستحمليه .. أتجوزى 

لما تحسي إنك قادرة تتنازلي عن جزء  من أحلامك وطموحاتك ــ أو حتى كلها ــ عشان تبسطيه

أما أنت عزيزي الشاب  

اتجوز لما تحس إنها تكفيك عن كل ستات الدنيا..

 أتجوز لما تحس إن أكلها حلو ، ومش لازم يكون زي أكل مامتك.. أتجوز لما  تقدر تهزر معاها زي أختك.. اتجوز لما تكون شايفها حلوة ، حتى لو معووجة ،ومرهقة ،وهلكانة وبرضه تشوفها حلوة  أكتر من اى واحدة تانية  .. اتجوز       لما تلاقيها راجعة معفرة ومجفرة  ، لكن برضه تقدر تحكيلها أسرارك ومتاعبك .. اتجوز لما تحس إنك تقدر تستحملها في حالات اكتئابها ، ونكدها ، وزعلها ..  

 اتجوز لما تلاقي نفسك مش فارقة معاك هيه طويلة ، واللا قصيرة، واللا تخينة ،واللا رفيعة، واللامنكوشة ..واللا

 مسرحة ..اتجوز لما تحس إنك تقدر تستحمل رغيها  ، ولكَّها  ،وصداعها .. حتى لو كانت بتحكيلك عن خط سير عفاف زميلتها ، من أول ماتصحى من النوم ، لحد ماتنام بالليل

اتجوز لما تستحمل غيرتها.. وصوتها العالي ، ونرفزتها....

اتجوز لما تقدر تشاركها أحلامها ،وتساعدها فى  تحقيقها ، وتشوف أن نجاحها من نجاحك .. 

اتجوز لما تلاقي نفسك خايف عليها  ،وبتخاف تجرحها أو تأذيها .. 

من الأخر .. اتجوزوا لما تلاقوا روح تستريحولها ..

 قال رسول عليه الصلاة والسلام: (( الأَرْوَاحُ جُنُودٌ مُجَنَّدَةٌ ، مَا تَعَارَفَ مِنْهَا ائْتَلَفَ ، وَمَا تَنَاكَرَ مِنْهَا اخْتَلَفَ ))

بعد ما فكرت في كل ده لقيت إجابة سؤال (اتجوز ليه؟)

اتجوز عشان تزيد أسباب سعادتي .. الجواز من وجهة نظري وسيلة لتحقيق السعادة ..مش هدف ....

 الجواز سكة سفر لازم نسافر فيها  ،واحنا مطمنيين ومستريحين .. عشان محدش يقدر يرجع المسافة اللي مشيها من أول وجديد .. ولوحده !!

مش عارف ليه بعد ماكتبت كل ده حسيت أن محدش حايتجوز !! ولا أنت أيه رأيك ؟

*****

( كلام عجبنى ــ مع بعض تعديلاتى وإضافاتى )

القمر يويــا

القمــر بوبــا

ــــــــــــــــــــــــــــــــ

من أشهر وأجمل الحُلى النوبية  حلق ( القمر بوبا ) .. وهو من الذهب الرقيق جدا ، وتتزين به أغلبية النوبيات .. وفى الأغانى النوبية والسودانية ،  يصف الشاعر  عذوبة ورقة محبوبته   فيتغنى  ( القمر بوبا عليك تقيل ) .. أى أنها من فرط رقتها المتناهية هذا الحلق الخفيف جدا تقيل على أذنها ... وبصراحة ياأخوانا  إذا تأملتم فى الأغانى النوبية والسودانية ــ سواء باللغة العربية أو اللهجات النوبية ـــ لأنبهرتم بالكلمات الجميلة المعبرة .. كما كلمات الزمن الجميل  لبيرم التونسى ، وحسين السيد ، وعبد الوهاب محمد .. وجيل العظماء .. والحمدلله أننا فى النوبة مازلنا نهتم ونحترم الكلمة الحلوة .. ولانرضى عنها بديلا ..

ونجانا الله من كلمات هذا الزمن التى تملآ شوارعنا من التكاتك ،والقهاوى ،والموتوسيكلات .. حتى أصابت الكثيرين بالطرش السمعى .. والبلاهة الذهنية .. وفقدان حاسة التذوق للكلمات الحلوة .. اللى أتنست مع هذا الطوفان من  الأغنيات شبه  ( مفيش صاحب بيتصاحب .. مفيش راجل بقى راجل ) وغيرها والعياذ بالله .

فستان زفاف واحد و11 عروسة فى 120 سنة

فستان زفاف واحد  و11 عروسة فى 120 سنة

ــــــــــــــــــــــــــــــــــــــــــــــــــــــــــــــــــــــــــــــــــــــــ

       كل عروسة دائما بتكون قلقانة فى أختيار فستان الزفاف .. لكن ( آبى كينجستون ) من ولاية بنسلفانيا ، الولايات المتحدة الأمريكية  ،كانت أستثناءا ..فقد كانت تعلم جيدا ومنذ طفولتها ماذا سترتدى فى اليوم العظيم ..

         فى الحقيقة هى العروس رقم 11 فى عائلتها التى ترتدى نفس الفستان !! الذى ينتقل من جيل لجيل منذ عام 1895..أنك لم تسمع كثيرا  عن هذا الأرتباط و التقليد العائلى الرائع .

Every bride to be worries about her 

choice of wedding dress. Abby Kingston from Pennsylvania, USA, was an exception. She knew already in childhood exactly what she would wear on her big day. In fact, she’s already the eleventh person in her family to use this particular dress — for it’s been passed down from generation to generation since 1895.

You don’t hear about this kind of remarkable commitment to family tradition very often. Wonderful!

.

حكاية رائعة .. من حريق الرويعى المدمر .

حكاية رائعة .. من حريق الرويعى المدمر .

ــــــــــــــــــــــــــــــــــــــــــــــــــــــــــــــــــــــــــ

حكايات كثيرة خرجت من وسط نيران الحريق المهول الذى تعرضت له منطقة الرويعى بالعتبة،وكان أبرزها حكاية العقار بشارع محمد نجيب.. كان المنظر عجيبا،فالنار تأكل بشراهة أدواره الست التى يوجد خمس شقق فى كل دور فيها إلا شقة واحدة فى الدورالثانى، وزاد العجب عندما اكتشفوا أن النار كانت بردا وسلاما على هذه الشقة، وتابع كثيرون المشهد منذ اندلاع الحريق بعد باستثناء هذه الشقة.
ذهبنا إلى هذه الشقة لنكتشف الحقيقة وبمجرد أن وضعنا قدمنا فى مدخل العقار كانت كل المشاهد تؤكد وجود حريق هائل استمرت لما يقرب من 12ساعة، وصعدنا على درجات السلم ووصلنا للدور الثانى،وفوجئنا بأن الباب الخشبى الخاص بالشقة سليما لم تصبه النار بأى ضرر،وأخذنا نتفقد الشقة وغرفها التى مازالت كما هى وكأن شيئا لم يحدث ولكن اكثر ما لفت نظرنا فى الثلاث غرف بالشقة هو كثرة اعداد المصاحف وكتب تفسير القرآن الكريم بالدولاب وعدد من البراويز التى تحتوى على أيات القرآن الكريم.
والتقينا صاحب الشقة عم محمد عبد العزيز الذى يسكن فى الشقة مع شقيقه منير وأطفال شقيقه الستة،ويقيمون جميعا فيها ويقول لنا إن الحريق حدث فى الساعة الثانية عشرة بعد منتصف الليل فهربت أنا وأخى وزوجته وأطفاله الصغار من هول النيران فقد كانت تلتهم كل ما تراه أمامها،و لم نستطع حتى أن نأخذ أوراقنا الشخصية أو مصوغات زوجة أخى ،وتركنا كل شيء كما هو، ترك الأطفال المصحف مفتوحا فى حجرتهم حيث كانوا يتلون ويحفظون القرآن،والراديو أيضا كان مفتوحا على أذاعة القرآن الكريم،وذهبنا جميعا وأقمنا فى بيت حماة أخي.
وكانت المفاجأة التى تداولها نشطاء الفيس بوك هى نفس المفاجأة التى جعلت أسرة الحاج محمد تسجد شكرا لله، فقد اكتشفوا بعد عودتهم لمنزلهم عقب اخماد الحريق،أن شقتهم سليمة لم يمسسها سوء ويقول :التهمت النيران العقار الذى نسكن فيه بالكامل الا شقتى على الرغم من وجود 5 شقق بكل دور بالعقار وبجوارى عدد من المخازن وجميعهم احترقوا وتحولوا إلى تراب وضاعت أموال الناس وبضائعهم ولم يبق منها سوى الرماد.
يبتسم عم محمد وهو يسترجع ماتم تداوله على «الفيس بوك» ويقول وضحكته تضىء وجهه: الحمد لله..فضل الله كبير ورحمته أكبر..أشعر بالعجز ولا استطيع تفسير ما حدث إلا بشيء واحد وهو قراءة القرآن الكريم آناء الليل وأطراف النهار،وأعتقد أنها السبب الوحيد فى نجاة شقتنا من الهلاك الذى نال من منطقة الرويعى»،ويشير إلى أنه يداوم مع شقيقه منير على تلاوة القرآن الكريم بصورة يومية،كما يقوم اخوه يوميا بتحفيظ أولاده الست الصغار القرآن الكريم، ويؤكد عم «محمد»تكون لقراءته تأثير فى حماية المنزل،وذلك بدليل أن الغرف الثلاث التى نقرأ فيها القرآن كانت خالية من أى علامات للحريق أو حتى رائحته البغيضة الكاتمة للأنفاس،سألناه: ولكن كل المخازن التى من حولك احترقت برغم وجود نسخ القرآن الكريم فيها ؟..فأجابنا:كانت موجودة للزينة أوللعرض فقط ,, الخلاصة اللي مع ربنا ف أمان.

قال رسزل الله صلى الله غليه وسلم (( لو جعل القرآن في إهاب ثم ألقي في النار ما احترق)) رواه أحمد .

مواعيد القطارات فى رمضان

مواعيد القطارات فى رمضان

ـــــــــــــــــــــــــــــــــــــــــــــــــــــــــ

أعلنت هيئة السكك الحديدية عن تعيير مواعيد قطارات الوجه البحرى خلال شهر رمضان المبارك .. كل سنة وأنتمطيبين .. وياريت تشيروا الجدول أو تنقفلوه  لخدمة أى محتاج لهذه الخدات الهامة :ــــ

قطار رقم 915 قيام من القاهرة الساعة 15.20 يصل الاسكندرية الساعة 18.15

- قطار رقم 925 قيام من القاهرة الساعة 17.00 يصل الاسكندرية الساعة 22.40

- قطار رقم 927 قيام من القاهرة الساعة 20.10 يصل الاسكندرية الساعة 22.40

- قطار رقم 931 قيام من القاهرة الساعة 20.20 يصل الاسكندرية الساعة 23.15

الاسكندرية/ القاهرة كالتالي :

- قطار رقم 928 قيام من الاسكندرية الساعة 16.00 يصل القاهرة الساعة 18.40

- قطار رقم 926 قيام من الاسكندرية الساعة 22.25 يصل القاهرة الساعة 22.40

القاهرة / المنصورة كالتالي :

تقرر تعديل قيام قطار رقم 1915 من القاهرة ليقوم الساعة 15.10 ويصل المنصورة الساعة 17.25

القاهرة / الاسماعيلية :

تقرر تعديل قيام قطار رقم 959 من القاهرة ليقوم الساعة 17.15 يصل الاسماعيلية الساعة 20.05

وسوف تعود القطارات لمواعيدها الأصلية طبقا لجدول التشغيل بنهايةشهر رمضان المعظم.

أمى ماتت

طفل بالصف الخامس الابتدائي بشمال سيناءالشيخ_زويد 
دى كانت اجابته على سؤال التعبير

يـــوم الشهيد .. حياتنا كلها هى أيام للشهيد .

يـــوم الشهيد .. حياتنا كلها هى أيام للشهيد .

ــــــــــــــــــــــــــــــــــــــــــــــــــــــــــــــــــــــــــــــــ

فى 9 مارس .. يوم الشهيد .. تعظيم سلام .. وتحية إكبار وإجلال لشهدائنا بالقوات المسلحة ،والشرطة ،والمدنيين ، وكلهم من طين هذا الوطن .. وكلمتين من القلب لأرواح شهدائنا .. حانجيب حقكم .. ولن ننساكم .. دماؤكم التى روت أرض مصر ، تنبت كل يوم بطل يسعى حثيثا لينضم إليكم فى جنات الخُلد .. ولن ننساكم ماحيينا ..

ولم أجد أجمل من كلمات الخال عبد الرحمن الأبنودى تحية لكم  فى يومكم .

*******

والدنيا فيها نفوس ونفوس
ناس حرة ناس شايلة سِجْنها
أُم الشهيد مش طالبة فلوس
طالبة دِما اللى قتلوا ابنها!!

**********************

مع السلامة يا ابتسامة الزهر

مع السلامة يا نسيم الحياة

مع السلامة يا ارتعاشة مصر

انت الشهيد اللي اتقتلنا معاه

انت بتبعد للبعيد

و احنا باصرارنا العنيد

رسمنا وشك شمس عيد

ضحكة وليد

شهقة نشيد

وطن جديد

وطن سعيد

و الاسم مصر

يا صرخة تصعد للعلا و تبوح

القسوة على أرض الحياة و البشر

هانت عليك الروح و قلت تروح

تدق بايديك قلب باب القدر

بِعت الحياة بالموت

و لا انت بالموت اشتريت الحياة

ووقفت للجبروت

ووقفنا بابك مرفوعين الجباه

اتمد يا دراع الشهيد اتمد

و شهد الناس و الخلق

ما اهو انت كنت همنا

و احنا همك يا شهيد

دمك بقى من دمنا

و رسمنا وشك شمس عيد

ضحكة وليد

شهقة نشيد

وطن جديد

وطن سعيد

و الاسم مصر

الحفيد الثامن

ب

بسم الله ماشاء الله ..

والصلاة والسلام على رسول الله

الحمدلله .. رزقنى الله الرازق الوهاب منذ دقائق بحفيدى الثامن  (آدم كريم الجنزورى  ) ..

من أبنتى الصغرى ريهام ..

سعادتى لاحدود لها .. وربنا يسعدكم جميعا ويحقق كل أمانيكم .

فيلم واحد .. عَدَلْ التعليم فى أمريكا ..وعَوّجُه فى مصر !!

 فيلم واحد .. عَدَلْ التعليم فى أمريكا ..وعَوّجُه فى مصر !!

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ 

فى الستينات والسبعينات كان الممثل الأسود الأشــــــــــــهر ( سيدنى بواتييه ) .. أول ممثل أسود يحصل على الأوسكار، فى وقت كانت فيه التفرقة العنصرية مازالت عالقة بين أغلبية الشعب الأمريكى ، فى الوقت ده ( سيدنى بواتييه )  كان بطل العديد من الأفلام  الأمريكية الرائعة منها

أو المتحدييان ).. The Defiant Ones)

    ..  وتم عرضه فى مصر بأسم  (حطمت قيودى ) .. والفيلم الرائع  ( خمن من سيأتى للعشاء )  أو      

 (Guess Who's Coming to Dinner)

مع الممثلان العظيمان سبنسر تراسى ،وكاترين هيبورن .. والفيلم التالت موضوعنا  هو( إلى الأستاذ مع حبى  ) أو

 فى أواخر الستينات ..( To Sir with love )

والفيلم بيعالج المشكلة القائمة بين المعلم والتلاميذ ، فى المجتمع الأمريكى ، واللى كانت بدأت فى الأنتشار آنذاك ، وكانت تمثل خطرا على التعليم ، والمجتمع الأمريكى كله ، ولزيادة الحبكة الدرامية  جابوا (سيدنى بواتييه) الأسود ليلعب  دور المدرس ، فى مجتمع يحتقر السود ، ومليان بالتفرقة العنصرية .. والفيلم أنتهى نهاية جيدة بتلاحم ، وأحترام ، وحب التلاميذ لمُعلمهم  بعد العديد من المشاكل بينهم فى الفيلم .. لكن الفيلم ألقى الضوء بشده على هذه الظاهرة السلبية فى المجتمع الأمريكى  ، فقررت العديد من الولايات الأمريكية أن تعين أمن خاص داخل المدارس ، وبعض الولايات  قررت تواجد  الشرطة المحلية  بالمدارس لضمان الأمن ، والسلم العام للطلبة، والمدرسين والأداريين ، وحتى المبانى التعليمية .

الفيلم ده بقى هو سبب نكسة التعليم فى مصر ،واللى أحنا عايشينها لغاية دلوقت، ومش عارفين نخرج منها .. علشان فى الأيام دى كان السينمائيون عندنا أجدع ناس يسرقوا الأفلام الأجنبيه، ويمصروها، ويقولولك ده أقتباس !!.. فأقتبس الفيلم الكاتب الراحل على سالم ،  وحولها لمسرحية ( مدرسة المشاغبين ) اللى كلنا عارفينها ( وللأسف ) بنحبها ، وبنضحك على كل مقطع فيها من السبعينات ، لغاية دلوقت .. أجيال ورا أجيال  .. ومش بس بنضحك عليها ، لكن تقريبا حافظينها صمّ .. وعادل إمام وزملائه على مدار عرض المسرحية ( 8 سنوات ) بقوا كل يوم يخرجوا عن النص، ويرتجلوا من دماغهم ،لإضحاك الجمهور لغاية ماتضاعفت ساعات المسرحية  ، وكان ده السبب اللى خللى الفنان الكبير الراحل عبد المنعم مدبولى يعتذر عن إكمال المسرحية وينسحب منها ،وأستبدلوه بالفنان الراحل حسن مصطفى ، فى دور الناظر .. ومن كُتر حب أولاد هذا الجيل للمسرحية ، أبتدأوا يمثلوها فى الواقع داخل مدارسهم ، وبدأت أخلاق وقيم التلميذ والمعلم المحترمة وقتها ، تتلاشى شوية شوية .. لغاية ماوصلنا لأن يضرب التلاميذ معلميهم ، ويستهزأوا بهم ، ويزوغوا من المدرسة ، ولاينتبهوا للدروس فى الفصل .. وأصبحت ( مدرسة المشاغبيبن ) هى الأساس والنبراس، والقدوة ،لأغلب التلاميذ فى ذلك الوقت .. وأتنقل هذا السلوك المشين من جيل لجيل لجيل !! حتى وصلنا للحضيض ، وأصبح من العادى جدا أن تقرأ أو تسمع عن ضرب أستاذ ، أو إهانته ، أو أكتشاف أولياء الأمور أن أولادهم لايذهبون للمدارس تقريبا ، ده طبعا غير أنتشار المخدرات، والحبوب ، والمطاوى ، وغيرها بين التلاميذ ، داخل الفصول .

وبدأت المنظومة التعليمية اللى عمادها الأستاذ والتلميذ فى الأنهيار، شوية بشوية  لغاية ماوصلنا لما نحن فيه الآن .

وياريت محدش يقوللى الكلام ده غير صحيح  لأنى شاهد عيان عليه ، وعايشته بنفسى ، فقد كنت بالثانوية العامة فى تلك الفترة ، وماكان يحدث ويقتبسه زملائى ( وأنا معهم أحيانا ) من المسرحية الكثير والكثير ، حتى أن بعض المُعلمين كانوا بيخافوا يدخلوا بعض الفصول  من عنف وقلة أدب التلاميذ !!

دلوقت مطلوب نصلح التعليم اللى باظ طوال 50 سنة ، على إيد أجيال متعاقبة ، نخرت كالسوس فى النظام التعليمى كله .. والآن نبحث عن حلول جذرية لعلاج المشكلة ، لكن ياترى اللى باظ فى خمسين سنة ، حانقدر نصلحه فى كام سنة ؟

بقلــــــــــــــــــــم

صــــلاح إدريــــــــــــــــس

salahedris@gmail.com

تم نشر المقال بجريدة الوطن عدد الجمعة 5 فبراير 2016

نمازج مشرفة .

نمـــــازج مشــــــــــرفة

هى بنت مصرية ،أسمها فاطمة أحمد سعيد .. مطر بة أوبرا (سوبرانو ) ..عمرها 24 سنة ..وهى هي أول مصرية تلتحق بأكاديمية «لاسكالا دي ميلانو» بإيطاليا وهي أشهر دار أوبرا في العالم، وتم إختيارها مع 9 شباب آخرين من بين آلاف المتقدمين على مستوى العالم..

وقد حصلت على 3 جوائز مرة واحدة في في المسابقة العالمية الثامنة للغناء "فيرونيكا دن"، حيث فازت بالأولى بناء على قرار لجنة التحكيم، والثانية عن طريق تصويت الجمهور، ثم فازت بجائزة أفضل أداء بعدما قدمت أغنية للموسيقار العالمي موتسارت.. ويتم تتويحها ( ملكة اللعالم  للسوبرانو ) ..

وبحصول فتاة مصرية مسلمة على هذه الجوائز ، وهذا التقدير العالمى ، لهو بلاشك  ، تأكيدا للعالم كله بمدى تقدم، وأزدهار المصريين ، وأن حضارتهم لم تأت من فراغ .. وأحفاد الفراعنة يسيرون على درب أجدادهم ، بخطى ثابتة ، وناجحة .. وأنه قد آن الأوان لينظر العالم للمصريين ،والمسلمين نظرة حقيقية واقعية ،بعيدة عن التطرف والأرهاب .