(( شوية فرفشة ياشباب.. أحسن الغــمّ مالينا ))
موسوعة الرخامة !
( الجزء الأول )
ـــــــــــــــــــــــــــــــــــــــــــــــــ
أهلى وناسى وأصدقائى الأعزاء ..
أرسل لى أحد الأصدقاء الأعزاء بعض الضحكات الشبابية الجديدة .. ولأنها خفيفة الظل على قلبى وأضحكتنى جدا ..فقد قررت أن أنشرها عليكم لترسم البسمة على شفاهكم فى ظل هذه الأيام المتجهمة العابسة .. ولأنها طويلة جدا فأسمحوا لى أن أنشرها على 3 حلقات .. النهاردة حلقة وقريبا جدا الحلقة الثانية بإذن الله .. ويارب تعجبكم
**************************
1ـ ليه ابوتريكة بيلبس فانلة 22... عشان 21 ضيقة عليه
2ـ طب ليه مبيلبسش 23 ؟ .. عشان فلافيو بيلبس 23
طب ايه هو الحيوان التعيس؟... القطة 3ـ
عشان ديما تخربش ومتكسبش
4ـ طب ايه الحيوان اللي دايما مشغول؟... الخرتيت تيت .. تيت
5ـ طب ايه الحيوان اللي بياكل ويشرب بديله؟
كل الحيوانات بتاكل وتشرب بديلها،عمرك شفت حيوان ساب ديله وراح ياكل؟
6ـ طب ايه اقدم حيوان؟... الحمار الوحشي .. عشان ابيض واسود.
7ـ طب ايه هو اجدد حيوان؟... القنفد عشان بشوكه..والكنغر علشان بكيسه.
7ـ طب ليه التلاجة غبية؟....عشان بتحفظ الاكل ॥ مبتفهموش ॥
8ـ ماهي قمة الحيرة؟ يقال لك اجلس في ركن غرفة مستديرة
.
9ـ ماهو قمة الذكاء؟...ان تجد ركن للغرفة
10 ـ ماهو قمة الالم؟
التزحلق على زحلاقة مغطاة بشفرات حلاقة وشظايا الزجاج .
..
11ـ ماهي قمة العذاب؟... السقوط بعد ذلك في حوض به كولونيا
.
12 ـ ليه الهرم فيه حتة حديد من فوق؟ ... عشان يتشال منها وينضفوا تحتيه
13 ـ ايه الشبه بين الجورنال والشمس ؟؟ ... الاتنين بيطلعوا الصبح.
- 14ـ ايه الشبه بين التفاح والكمثرى ؟؟ ...... الاتنين مش جوافة
15ـ ايه الفرق بين الصحراء وايام الاسبوع ، وموس لورد ؟؟
الصحراء مفيهاش حد ..
ايام الاسبوع فيها حد ..
موس لورد فيه حدين !!
- 16 ـ واحد وقع من الدور التاسع لقى ايه؟؟ .... لقى مصرعه
17 ـ ليه الارنب مبيعديش من قدام القهوة ؟؟ ... بيخاف من السحلب المكار.
18 ـ دكتور اسنان ارتكب جريمة يسجنوه فين ؟؟ ... في سجنال تو.
19 ـ ليه نابليون كان بيقعد قدام التلاجة ؟؟ ... عشان يطمن علي حملة فريزر.
20 ـ ايه هي قمة الادب ؟؟ ... انك تخبط على التلاجة قبل متفتحها
21ـ ايه هي قمة الصبر ؟؟ .. انك تستنى حد يفتحلك
22ـ ايه هي قمة الدهشة ؟؟ ...حد يفتحلك فعلا
***************
هههههههه ॥ كده خلصنا الجزء الأول من موسوعة الرخامة يارب تكون عجبتكم .. أضحك الله سنكم وأسعدكم وأسركم .. وأنتظرونى مع باقى الموسوعة .. وإذا ماعجبكمش الجزء الأول .. بلاش تقرأوا الجزء الثانى أو الثالث । ..
بقلم
صــلاح إدريـــس
***************
ليست هناك تعليقات:
إرسال تعليق