شعب تايه ياولاد الحلال
ــــــــــــــــــــــ
ـــــــــــــــــــ
خناقة حامية .. وعايزة اللى يخلصها ــ ويارب ماحد يعرف يخلصها ــ مابين حكومة الجنزورى ، ومجلس الشعب .. مجلس الشعب عايز يسحب الثقة من الحكومة ، علشان الأخوان يشكلوا الحكومة الجديدة على مزاجهم !!.. بس مش عارفين يسحبوها أزاى ياولداه !! لأنه باين الحكومة مزنوقة فى حتة ضيقة !! و أغلبية الأخوان بالمجلس مش قادرة تسيحبها .. وجامدة عليها !! .. وكمان فيه شوية قوانين ، وعراقيل محطوطة فى الأعلان الدستورى ، بتحجم مجلس الشعب !! ومش مخلياه على راحته فى أنه يشيل ده .. ويحط ده على مزاجه ..!!
وحكومة أسم النبى حارسه وصاينه الجنزورى..من ساعة ماعرفت أن المجلس ناوي للحكو
والمجلس العسكرى اللى بيحكم الكل ..قاعد يتفرج ومبسوط !! .. ولا على باله أى حد من الفتوات اللمة نية سودة !! وهمه مش على حامى ، ولا بارد .. ومش معبرينه بنكله!! .. لا بيحضروا الجلسات ، ولا الأستجوابات ، ولا سألين فى المجلس وكأنه مجلس أنس وفرفشة !! مش مجلس الشعب.
ى بيتخانقوا .. وكأ
نه بيقول ياللا أنشاءالله يولعوا بجاز وسخ كلهم .. وأهم على الأقل مانعين عننا المشاكل والتلسين علينا ، فى الفارغة والمليانة من الشعب والعيال بتوع الفيسبك .. والدنيا كلها ملخومة فيهم .. جاتهم القرف ، ملوا البلد !!
والثلاثة الكبار ( المجلس العسكرى .. ومجلس الشعب .. وحكومة الجنزورى ) بيقولوا بلسا
نهم فقط .. إن الشعب خلفى .. والشعب مصدر سلطاتى .. وأن مافيش حد يقدر يقربللى طول ماالشعب بيؤازرنى !! ) .. لكن فى الحقيقة أن التلاتة بيقولوا بينهم وبين نفسهم :ـ
( شعبى وأنا حرة فيه .. شعبى أفرده وأتنيه .. شعبى أغسله وأكويه )...!!!!
وبصراحة عندهم حق .. لأن الشعب بقاله مدة مش باين .. ولا له حس ولاصوت .. والظاهر كده أنه تايه ياولداه !!.. أو فقد الذاكرة ! ..
وعلشان كده من بكره حاننزل منادى ينادى بأعلى صوته شعب تايه ياولاد الحلال .. 86 مليون دمهم خفيف .. وقلبهم رهيف .. وعملوا ثورة عظيمة .. بسي ياخسارة أتدفنت وأتنسيت خلاص .. !! اللى يلاقيهم .. يرجعهم .. ويقول لهم ماتخافوش .. عودوا لأمكم مصر .. أمكم مستنياكم .. وبتقول لكم لو ثورة يناير ماتت .. لسه فيه شهور كتيرة أبريل ومايو لغاية آخر السنة .. وممكن تعملوا ثورة فى أى وقت .. بس يارب المرة دى تكونوا أتعلمتم من اللى حصل لكم .. ويارب ماتدوش فرصة لأى حد ..مهما كان أن يسرق ثورتكم .. أو يموّتها .. أو حتى يلمسها بس .. وأمكم مصر بتقول لكم أرجعوا لحضنها .. وأطمئنوا طول مافيها نفس .. وطول ماأنتم حواليها ..عمر مصر ولا ولادها حايقدر عليهم أى قوة فى الدنيا مهما كبرت ومهما تحايلت .. ومهما أستعانت بالضعفاء منكم ياأولادى .. أنتم بس أرجعوا لحضنى .. وأحنا قادرين بمشيئة الله عمل المستحيلات علشان أمكم مصر ، يشتد عودها..وتحققوا لها أحلامها وأمانيها .. وتتمتعوا بحبها وحنانها وخيرها .. خيرها اللى ثورتم علشانه فى يناير .. وأستشهد منكم الألاف .. ومستعدين تثوروا تانى ، وتالت .. ويستشهد منكم الملايين .. علشان تحققوا أهدافكم وأمانيكم البسيطة ( عيش ... حرية .. عدالة أجتماعية ) .
صــلاح إدريـــس
مـدون بالبلــدى الفصيــــــح
ليست هناك تعليقات:
إرسال تعليق