قانون أحمد وعمـــــــــــــــــــــر .
ــــــــــــــــــــــــ
ــــــــــــــــــــــــــــــــ
قانون عديلة سنجر .. أو قانون ( أحمد وعمر ) نسبة لشفيق وسليمان .. والمشهور (بقانون العزل السياسى ) طلع ضيق شوية إمبارح ..فقرر الترزى توسيعه ، والظاهر أنه وسع زيادة فقرروا النهاردة تضييقه من الوسط .. ومن على الفخاد .. وبعد قطع ولزق تمت الموافقة منذ قليل على القانون بأغلبية مجلس الشعب ( أصحاب المصلحة الأخوان والسلفيين ) .. وسيتم عرضه على المجلس العسكرى للتصديق عليه خلال 30 يوما .. ولأن هناك شيهة عدم دستورية للمشروع فالمتوقع أن يقوم المجلس العسكرى بعرضه على المحكمة الدستورية العليا ، والتى تناقشه لمدة قد تصل لـ 60 يوما ثم تحكم فيه !!
يعنى بالبلدى كده القانون لن يصدر إلا بعد أنتهاء الفترة القانونية لتحديد المرشحين النهائيين للرئاسة .. والتى ستتم يوم 26 ابريل الجارى وبكده يحصلون على حصانة تامة ولايمكن تطبيق القانون على أى من المرشحين !!
الله .. طيب لازمته أيه بقى نوسع ونضيق !!، ونقصّر .. ونطول !! .. ونرقع فى القانون !!.. والمجلس تزداد سمعته سوءا أكتر مما هو سىء !! ... بصراحة ده غباء سياسى ( آخر حاجة ) .. وده بيخوفنا على البلد لأنها فى أيدى من لايفهم ..ولا عايز يفهم !!
صـــلاح إدريـــــــــس
salahedris@gmail.com
مدون بالبلــدى الفصيـــــح
ليست هناك تعليقات:
إرسال تعليق