حاجة
تلخبــــط !!
ــــــــــــــــــــــــــــــــــ
الصورة دلوقت ملتبسة ومتلخبطة .. إمبارح الجماعات الإسلامية سيطرت على الأمن فى أسيوط .. وقلت فى بوست إمبارح : (( بكره تطلع لنا جماعات تانية فى أماكن متفرقة )) .. وحصل فعلا حزب النور بدأ بتشكيل لجانه الشعبية فى أنحاء الجمهورية .. والشرطة غائبة تماما فى بعض المحافظات .. وشبه غائبة فى محافظات أخرى .. والجيش واقف بواب بيحرس المنشآت الحيوية وبيتفرج ع اللى بيحصل .. والغضب مالى نفوس الشعب كله ( وكلٍ يغنى على ليلاه .. وبيطْلّع غضبه بطريقته ) .. والحرائق تنتشر فى أماكن ومنشآت متعددة .. وألتراس أهلاوى مش مقتنع بالأحكام .. وألتراس مصراوى شايفها ظالمة !!.. ولجنة تقىصى الحقائق بتقدم أدلة جديدة الآن !! والكل بيقول : فين المُدبر الرئيسى لمذبحة بورسعيد ؟ .. الشارع الآن يفتقد السيطرة والتحكم.. وعامل زى المجنون اللى قالع بلبوص ، وشعره منكوش ، والكل بيجرى وراه مابين اللى عايز يغطيه ويستره .. وبين اللى عايز يضربه على قفاه ويضحك .. وبين العيال اللى بتجرى وراه وفاكراها لعبه يتسلوا بيها !!!! ..
أنا مانمتش
إلا الساعة 11 صباح اليوم بعد ماعرفت حكم
المحكمة .. وكانت البشاير بتقول إن الكل راضى عن الحكم .. فحمدت ربنا ونمت .. وقمت
الساعة 4 مساءا لقيت البلد والعة .. ولغاية دلوقت مش شايف الصورة الكاملة ؟
تحليل الموضوع بالراحة عايز فنجان نيسكافيه أقوى
حاجة .. وبعدين نشوف !!
ليست هناك تعليقات:
إرسال تعليق