أُمُكــم فى العِش .. ولا طارت ؟
ــــــــــــــــــــــــــــــــــــــــــــــــــ
حديث إخوانى بالصحف والأنباء والمؤتمرات ، والحديث مكرر ..ممجوج .. عن النوبة والنوبيين ..والحقوق
الضائعة .. وحقهم فى الحياة الكريمة .وحرص الدولة على حماة حدودنا الجنوبية .. وكلام كتير حانسمع
ونشوف منه كتير فى الأيام الجاية .. بس النوبيين بيقولوكم قديمة .. ياولاد القديمة
.. عارفين إن هدفكم هو الأنتخابات .. وبعدها تقولولنا ( أمكم فى العِش .. ولا طارت
؟ ) .. وأنا بأقولكم من دلوقت .. لأ
ياكتاكيت .. (أمكم أنتم اللى طارت ومش راجعة !!) .. وإن كنتم نسيتم اللى
جرى .. هاتوا دفاتر الأنتخابات والأستفتاءات والتصريحات والوعود والأجتماعات
والمؤتمرات اللى لسه سخنة من السنة اللى
فاتت علشان تتقرى !!
وإنسوا إن النوبيين لسه طيبيين .. لأ وحياة اللى خلفوكم أنت خليتونا ولاد ستين فى سبعين .. وإن سكت
الكبار اللى زيى وفضلوا السلامة كالعادة .. فإن شباب النوبة ومستقبلها الزاهر لن
يسمحوا لا لكم .. ولا
لنا .. نلعب بمستقبل واعد .؟. بنحارب لتحقيقة منذ قرن تقريبا !!
(( ولا
يُلدغ مؤمن من جُحر مرتين .. وأحنا والحمدلله كلنا مؤمنين .. ياتجار الدين
))
ليست هناك تعليقات:
إرسال تعليق