كل مانفرح .. يسودوها فى وشنا !!
ــــــــــــــــــــــــــــــــــــــــــــــــــــ
بعد
النجاح اللى مالوش زى .. والتفاؤل اللى ملأ القلوب بمستقبل مشرق ، وأقتصاد منعش ، خصوصا للغلابة
اللى زى حالاتنا بتوع السياحة ، اللى
أتخرب بيتهم فى الأربع سنين اللى فاتوا ، لغاية ماباعوا اللحم الحى والعضم كمان .
بعد
ماكان السائح بياخد التأشيرة بتاعته من المطارات عند وصوله لمصر ، مما سهل وساعد على تشجيع
الساحة الفردية بالذات ، ومضاعفاتها خلال السنوات ماقبل 2011 .
طلع علينا وزير الخارجية المحترم ــ اللى بنحبه
ــ بقرار همايونى بيقول : أنه أعتبارا من
15 مايو لن يسمح بدخول سائح دون
تأشيرة دخول من السفارة المصرية فى بلده ,. وهنا لازم أقول عدة نقاط :
1 ــ أولا السائح لازم يروح السفارة أو القنصلية المصرية
فى بلده للحصول على التأشيرة ، علما أن
فيه مدن أوروبية كتيرة لا فيها سفارة ، ولا قنصلية مصرية ، وعلشان يلاقى واحدة لازم
يسافر 200 أو 300 كيلومتر ويمكن أكنر .
2 ــ القرار ده خاص بالسائح الفرد اللى مش مع مجموعات
، ولكن جاى لوحدة أومع أصدقاءه أو عائلته
، أما المجموعات اللى جايه مع شركات سياحية فيُسمح لها بالتأشيرة فى
المطارات زى زمان .
3 ـــ الغريبه
أن مافيش حد عبّرنا بكلمة لا من الخارجية ولا السياحة وقالوا لنا ماهو السبب لهذا القرار الغريب فى
هذا الوقت الأغرب .. وأحنا كده مع أنفسنا أستنتجنا السبب وهو ( دواعى أمنية ) .. طيب لو دواعى
أمنية يبقى البحث فى الأفراد أسهل ولا المجموعات اللى داخلة من غير ماتعرف حاجة
عنهم أسهل ؟!!
4 ــ معروف أن
السياح الأفراد همه زبائن الفنادق الصغيرة
من 3 نجوم ونازل ، عكس مجموعات شركات
السياحة ، اللى بينزلوا فى 4 و 5
نجوم .. يعنى القرار ده حايضُر ـــ
كما هى العادة فى بلدنا ــ الناس الأكثر أحتياجا للشغل والتنشيط والفلوس .
مش عارف ليه
دايما لما نفرح يطلع علينا حدّ يعكنن على أبونا ، ويقلب فرحتنا عزاء ..
وكأننا نعيش وسط غربان سوده كئيبة ، مابتحبش أى فرح أو سعادة .. ياأخوانا أرحمونا ، وخللونا نفرح شوية ، أحسن الألم والحزن
والسواد اللى ملأ قلوبنا من 4 سنين ممكن
ناخد عليه وننسى الفرح نهائيا .. ووقتها غصي عننا حانعكنن على أبوكم وأبو اللى خلفوكم !!
بقلــــــــــــــــــــــــم
صـــــــــلاح إدريـــــــــــــــس
salahedris@gmail.com
مدون بالبلــدى
الفصيـــــح
Face
book : salah edris
salahedrisــ صلاح إدريسTwiteer :
ليست هناك تعليقات:
إرسال تعليق