ليلة دخلة مثالية .

ليلة دخلة مثالية .

ـــــــــــــــــــــــــــــــــ

هوا : نورتي بيتك يا عروستي ..

هي : دا نورك يا حبيبي ..

هوا : استنى متدخليش ..

هي : ليه يا حبيبي ..

هوا : نقرأ الدعاء ده الأول ورددي ورايا "اللهم انى اسألك خير المولج وخير المخرج .. بسم الله ولجنا وبسم الله خرجنا وعلى ربنا توكلنا"

هيا (ابتسمت) ودخلت ..

هوا : الحمد لله اخيرا الدوشه راحت وبقينا لوحدنا ..

هيا (بكسوف) : انا هدخل اغير هدومي ..

هوا : بس متتأخريش ..

(بعد 5 دقايق خرجت لابسه اسدال الصلاة)

هوا ابتسم ..

هيا : إيه مالك ؟

هوا : اصلي لسا كنت هنادي عليكي واقولك البسيه ..

هيا : ودي حاجة تفوتنى بردو دا انا حلم عمري تصلي بيا إمام ..

هوا (بابتسامه واسعة) : طيب يلا ..

وبدأ يقرأ آيات من سوره الروم .. لحد ما وصل لآية

{ﻭَﻣِﻦْ ﺁﻳَﺎﺗِﻪِ ﺃَﻥْ ﺧَﻠَﻖَ ﻟَﻜُﻢ
ﻣِّﻦْ ﺃَﻧﻔُﺴِﻜُﻢْ ﺃَﺯْﻭَﺍﺟًﺎ
ﻟِّﺘَﺴْﻜُﻨُﻮﺍ ﺇِﻟَﻴْﻬَﺎ ﻭَﺟَﻌَﻞَ ﺑَﻴْﻨَﻜُﻢ
ﻣَّﻮَﺩَّﺓً ﻭَﺭَﺣْﻤَﺔً ﺇِﻥَّ ﻓِﻲ ﺫَﻟِﻚَ
ﻟَﺂﻳَﺎﺕٍ ﻟِّﻘَﻮْﻡٍ ﻳَﺘَﻔَﻜَّﺮُﻭﻥَ} صدق الله العظيم ..

سمع صوتها و هيا بتعيط و هيا بتصلي وراه و هوا بيقرأ الآية دي .. و هوا بيدعي ربنا انه يحفظها ليه و يبارك لهم في زواجهم ..

بعد ما خلصوا ..

هوا (فكلها طرحة الاسدال ومسح على شعرها) : إيه بس مالك بتعيطي ليه دلوقتي ..

هيا (بعياط) : اصلي فرحانة اوى ..

هوا (يضحك و يضمها ليه) : طب هوا الفرحان يعيط كدا ؟

هيا : اصل صوتك حلو اوى .. ودعائك لربنا اثر فيا أوى .. من زمان كان نفسي اقف بين ايدين ربنا وأنا معاك ..

هوا : واخيرا امنيتنا اتحققت .. يلا بأه قومي اغسلي وشك كدا وتعالي عشان اقولك كلمه سر ..

هيا (اتكسفت وضربته في كتفه وطلعت تجري) ..

هوا : الحمد لله يا رب انك جمعتنى عليها في حلالك

اللهم ببركة هذه الأيام المباركة ، أسألك أن ترزق  كل بنت من بناتنا ، وكل من وقعت عيناها على هذا البوست ولم تتزوج .. زواجا سعيدا .. وزوجا يتقى الله فيها ، وليلة عرس مثالية  كهذه الليلة .. وأن تكون كل ليالى حياتهن مثلها يارب .

بقلــــــــــــــــــــــــم

صـــــــــلاح إدريـــــــــــــــس

salahedris@gmail.com

مدون بالبلــدى الفصيـــــح

http://plackprince.blogspot.com

Face book  : salah edris

salahedrisــ صلاح إدريسTwiteer :