العين الحمرا .. أسهل الطرق لحل مشاكلك مع الحكومة !!
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
حكاية مريم وصفر
الثانوية العامة .. وكل القضايا والحكايات اللى أتكلمت عنها الفضائيات .. بتثبت
لنا حاجة واحدة أكيدة .. أن المسئولين فى البلد دى بيخافوا مابيختشوش .. فلو أى
موضوع وصل للإعلام تلاقيهم بيخبطوا فى بعض ، والكل بيجرى علشان يحل المشكلة ( رئيس
الوزراء النهاردة فى تصريح صحفى بيقول : ((أننى أتابع قضية مريم 3 مرات فى اليوم ))ــ ليه ياعم الحاج هو مضاد
حيوى !! ) .. لكن لو كانت لك مشكلة ومهما كانت
كبيرة ،ومهما كنت مظلوم فيها ، وماوصلتش
للفضائيات يبقى تنسى أنها تتحل .. وعموما آدينا عرفنا الطريقة .. واللى تعرف ديته
أقتله .. ولو عندك مشكلة يبقى أحسن لك تاخد
مرتبة وبطانية وتنام فى مدينة الأعلام لغاية
ماتتحل .. آه يابلد مابتخافيش إلا بالعين الحمرا .. جاتكم القرف !!
ليست هناك تعليقات:
إرسال تعليق