ما تبعديش.

أنا من أشد المعجبين بالشاعر الدكتور / صلاح عبدالله .. ورغم أنه ضرير إلا أن الله أنعم علية بنعمة الموهبة الجارفة .. وسيل لاينقطع من الأبيات والكلمات الشعرية الجميلة .. كما أنه يملك موهبة فى آداء وقراءة أشعاره  بعفوية جميلة محببة .. وهذه إحدى فصائدة الأخيرة  ( ماتبعديش ) .ويارب تعجبكم .

******

ما تبعديش.
لما تبقي مش معاي...
كل شيء في الدنيا يصبح مش كفاية...
كل قصة تتحكي قدامي...
تبدأ بالنهاية...
لما تبقي مش معاي...
باشعر إني زي مؤمن قام يصلي...
فجأة حس بإنه ناسي كل آية...
باشعر إني زي أعمى معدي شارع...
واتبلى بناس شدوا من إيده العصاية...
باشعر إني كلمة حلوة...
إنما مطرودة من أجمل حكاية...
لما تبقي مش معاي...
الطرق تضحك علي أما أمشي فيها لوحدي...
وتبعتر خطاي...
بكرة بيسهيني وبدال ما ألحقه...
بيصبح وراي...
لما تبقي مش معاي...
ليلي بيهددني إنه مش هايمشي...
وعتمته تسرق نجومي من سماي...
بس لما بتبقي جنبي...
الحياة بترق. تصبح زي دمعة حب في عيون الصبايا...
وأنت جنبي. الكون بيصبح حضن واسع...
حضن فيه القسوة في عيون الطغاة خجلانة من دمع الضحايا...
أنت ضلة. يوما ما وشي...
من لهيب الشمس في الصيف يتلطش...
وأنت زمزم. يوم ما أحس ب...
إن قلبي في يوم عطش...
سكتي خليها دايما سكتك...
ونسيني بنبض قلبك...
سكنيني في ضحكتك...
أنتِ دعوة مستجابة...
لما يبقى كل ما في الكون خطايا...