بالبلدى الفصيح :
من أوباما للعرب : أولعوا فى بعض بجاز وِسخ !!
الشملول ابن الشملول أوباما .. بعد ماقاد الفتنة لإشعال الحروب الطائفية فى الشرق الأوسط كله .. إمبارح
ابن الرفضى أدلى بتصريح نارى خطير لجريدة
النيويورك تايمز .. قال فيه كلام كتير وخطير .. والمعنى المختصر لكل ماقاله هو
رسالة لإيران قال فيها :
((سلمناكم العراق وسوريا ولبنان .. ولعوا بقى ،وأولعوا أنتوا مع دول الخليج )).
وقال هذا الشِنكيط أيضا فى رسالة واضحة للسعودية : (( العرب لم يعودوا يصدرون النفط فقط ،بل
يصدرون الإرهاب أيضا !!ومالناش
دعوة بحروبهم الطائفية ، ولن نتدخل عسكريا بعد ذلك فى المنطقة )) .
وأكمل رسالته للسعودية بقوله : (( إن مشاكل دول الخليج ليست فى الإرهاب .. بل فى الديمقراطية ..
والغضب العارم من الشباب فى هذه الدول )) ..
وأكمل رسالته بالقول : ((إن بلدانا عربية صديقة
جامحة ، تريد توريط واشنطن لخوض معارك في المنطقة!! ، ووصف دعمه لتدخل حلف الناتو
في ليبيا بأنه كان خطأ !!، وأن مصلحة أميركا في خروجها من الصراعات الدموية في
المنطقة )).
بيتهيألى كده أن كل الرسائل وصلت للمرسلة اليهم كلهم !!!!
يااااااااااااااارب بقى .. دول العرب وزعمائها يفمهوا الرسائل ..
ويعر فوا نتيجة الغباء المستحكم ، اللى أستمر سنوات وسنوات .. وأنه قد آن
الآوان لنثبت لهذا الأوباما وعصابته أن
العرب قادرين بمشيئة الله ورعايته أن
يستعيدوا قوتهم ،وقبلها عقولهم .. وأن
يتفاهموا جميعا على ضرورة العيش معا فى سلام .. ومش حاأقول وحدة علشان حاتبقى واسعة شوية ..!!
ياترى تفتكروا معايا أن الرسائل وصلت ، ولا محتاجة توضيح
أكتر من كده ، برغم أن الحكام العرب كلهم ومعاهم إيران فاهمين اللعبة والمؤامرة من
زماااااااان .. لكنهم كعادتهم دائما
بيدفنوا راسهم فى الرمال !! علشان مايشوفوش الخطر اللى جاى عليهم .. مع أن
ياأخى الخطر شايفهم كويس قوى .. وشايف أن الفرصة متاحة جدا أمامه ، خصوصا أن الهدف نفسه مش شايفه !! أو عامل
نفسه مش شايفه !!!
بصراحة أنا متفائل جدا باللى حصل ده .. وبتصريحات هذا
الإمعة أوباما .. وبأقول (( عسى أن تكرهوا
شيئا وهو خير لكم .. وعسى أن تحبوا شيئا وهو شر لكم )).
بس اللى لسه مخوفنى أن أوباما حاتنتهى مدة رئاسته السنة
دى .. والأنتخابات الأمريكية حاتكون فى 8 نوفمبر القادم .. فهل ياترى العرب حايمشوا وراء الرئيس الأمريكى القادم كالنعام
.. وتفضل أمريكا ستنا وتاج راسنا !! ..
ولا الغلطات اللى حصلت ،والنيران اللى
أتلسع بها الحكام العرب ،حاتخليهم يفكروا
ألف مرة ، قبل مايمشوا وراء الرئيس أو
الرئيسة الأمريكىة القادمين .. علما أن أى حد من
اللى جايين أوسخ ألف مرة من اللى راحوا فى ستين داهية !!
والحكام العرب دلوقت أمامهم أمتحان صعب قوى قوى .. إما يفوقوا لأنفسهم ،ويصلحوا أمورهم مع بعضهم ، ومع شعوبهم .. وإما
نقول على العرب من دلوقت عليه العوض ومنه العوض .. لأن لو حصل يبقى مش حاتقوم للعرب قومة تانى أبدا أبدا أبدا ..!!!!!!
بقلــــــم
صــــلاح إدريــــــس
تم نشر المقال بجريدة الوطن عدد السبت 12
مارس 2016
view-source:http://alwatneg.org/article/4380/__%D9%85%D9%86_%D8%A3%D9%88%D8%A8%D8%A7%D9%85%D8%A7_%D9%84%D9%84%D8%B9%D8%B1%D8%A8_:_%D8%A3%D9%88%D9%84%D8%B9%D9%88%D8%A7_%D9%81%D9%89_%D8%A8%D8%B9%D8%B6_%D8%A8%D8%AC%D8%A7%D8%B2_%D9%88%D9%90%D8%B3%D8%AE_!!_
ليست هناك تعليقات:
إرسال تعليق