تكية الشيخ بعرور..الشهيرة بعزبة مرتضى منصوووور !!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بقاللى
مدة طويلة مابأكتبش حاجة عن البرلمان المصرى .. بصراحة علشان قرفان من آداء النواب
، ورئيس المجلس والمجلس كله .. وكنت بأقول لنفسى ياواد المجلس جديد ، والنواب
أكثرهم جُداد ،وماعندهمش خبرة برلمانية وتشريعية ، ويمكن .. يمكن .. ولعل وعسى ربنا ينفخ فى صورتهم ، ويتعدلوا ..
لكن يظهر أنه مافيش فايدة والأسباب كتيرة جدا ، ومش وقت الحيث عنها .. لكن حاأحكى لكم عن سبب كتابتى النهاردة عن البرلمان
.
دلوقت
فيه حكميين نهائيين باتين لمحكمة
النقض بأحقية الدكتور / عمرو الشوبكى فى عضوية البرلمان .. وإسقاط العضوية عن النائب
أحمد مرتضى منصور ..
والمفروض
أنه بناءا على الدستور .. يتم فورا تنفيذ الحكمين .. خصوصا وأن اللى حاينفذ هو الجهة التشريعية الأولى فى البلد (البرلمان) ..
لكن لما البرلمان يماطل ،ويسوف ،ويلف ،ويدور .. ونواب تنافق.. ونواب تتمرقع ..
ونواب خايفه من مرتضى منصور وأبنه .. ويقولولك ياعم أحنا مالنا دوول لسانهم طويل ،
ويمكن ماسكين علينا سيديهات وملفات !!
وأمبارح
بالليل ( الثلاثاء ) عند أجتماع اللجنة
التشريعية ، وقرارها النهائى بضرورة تنفيذ أحكام محكمة النقض ، يقوم عمنا مرتضى منصور يتنرفز ، ويثور ،ويزعق
.. ويشتبك فى مشادة كلامية حادة ، مع
النائب أحمد الشرقاوى ،وبعض النواب، أعضاء اللحنة التشريعية اللى مرتضى مش عضو فيها أصلا ، ووجوده داخلها بالعافية غير قانونى ، وكمان عايز يفرض رأيه ببلطجته وصوته العالى ،
و ظل صوته يعلا ويعلا كأنه فى عزبته
الخاصة .. فلما النواب اللى قصاده بدأوا يعلوا صوتهم همه كمان .. أبتدأ هووه ينزل على مافيش ،ويجرررر ناعم !! .. لكن بعد ماأتقلب البرلمان
لسويقة وحارة بمبة .
لكن المهم
ولغاية هذه اللحظة ورغم أحكام محكمة النقض
الواجبة النفاذ فورا .. ورغم قرار اللجنة التشريعية للنواب ، بضرورة إبطال عضوية أحمد مرتضى منصور ، وتأكيد عضوية الدكتور / عمرو الشوبكى .. بموافقة وتوقيع 17 عضوا باللجنة ، قدمها
النائب علاء عبد المنعم لرئيس اللجنة الدكتور بهاء أبوشقة .. لكن أبوشقة أنسحب من
رئاسة اللجنة ، وجعل من نفسه ( أبو أوضة فوق السطوح .. مش أبوشقة ) .. وتم تقديم
قرار اللجنة التشريعية لرئيس المجلس ..
وحانشوف أيه اللى حايحصل !! إلآ أن البشاير بتقول أنه أحتمال كبير لايتنفذ
أحكام المحكمة !!.. ولا قرار
اللجنة التشريعية .. لكن يمشى قرار مرتضى باشا منصور أبوننوس عينه العضو أحمد مرتضى منصور !!
ياأخوانا
إذا كان البرلمان اللى بيشرع لنا القوانين
.. واللى مفروض فيه ينفذ العدالة للمواطنين اللى أتهببوا وأختاروا
نوابه .. مانفذش القانون !! يبقى أحنا فى (تكية
الشيخ بعرورررررر)!!! .. مش فى البرلمان ،ويبقى علينا وعلى البلد السلام !!
بقلـــــــــــــم
صـــلاح إدريـــــس
تم نشر المقال بجريدة ( الوطن )
عدد
الأربعاء 24 أغسطس 2016
http://www.alwatneg.org/admintfr/news/view?id=639
ليست هناك تعليقات:
إرسال تعليق