واحلبااااااااااه !!

واحلباااااااااااه .

ــــــــــــــــــــــــــــــــــــــــــ

حلب النهاردة عاملة زى مكة أيام الجاهلية .. فهى ملتقى كل الأطياف ، من كل أطراف الآرض .. سُنة بمذهبين .. شيعة بمذهبين ،أو تلاتة مش عارف .. مسيحيين ..أكراد .. علويين .. دروز ..جهاد .. بيت المقدس .. داعش .. النظام .. المعارضة بميت لون وفصيل وشكل  .. حزب الله .. إيران .. قوات التحالف .. مخابرات دول العالم كله .. مرتزقة من كل لون يابطيسطا ..!!!! وكل دوول بيضربوا فى بعض بكل أنواع الأسلحة الثقيلة والمتوسطة والخفيفة ..

وأهل حلب ،وأطفالها ونساؤها .. مستخبيين من الموت ، لا  لاقيين أكل ،ولا شرب ـولا حتى سقف يأويهم من قاذفات الطائر ت ،والمدافعه ،والدبابات ،والقناصة ..

ياولاد ستين كلب (كلكم وبلا أستثناء ).. أرفعوا أيديكم عن حلب .. أهتموا بمعاناة شعوبكم ،بدلا من تصدير إجرامكم وشذوذ أفكاركم لشعوب مغلوبة على أمرها  .

العرب مشتركون بأفكارهم ،وفواتهم ،ومرتزقتهم.. فى هذه الجريمة البشعة .. ويصدرون أوامرهم وهم  يأكلون الخرفان المشوية ، ويشربون النبيذ  فى هواء التكييف الهادى الناعم ..وجتى الشعوب  عايشة حياتها عادى .. بتاكل وتشرب وتتفرج على الكوميديا والأغانى .. وتحب فى الموبايلات، والحياة ماشية وكأن شيئا لايحدث ( وعلى فكرة أنا لا أستثنى نفسى أبدا ) !!

اللهم يارب العالمين  رد كيد كل من شارك فى هذه المجازر  لنحره .. علشان يعانوا  زى معاناة هؤلاء المساكين من رجال ونساء وأطفال .

عندى  آلاف الصور والفيديوهات .. لو شفتوها .. ولو لسه عندنا شوية دم .. لأنتحرنا  كلنا  حزنا وندما .. أو حاولنا بكل مانملك من جهد أن نغير من هذا الوضع اللى طوّل قوى .. أو لا نمكلك إلا الدعاء من أعماق قلوبنا .. وهو أضعف الأيمان !!

اللهم أرفق بحلب وسوريا وأهلها .. وأحفظهم وجمّع شملهم يارحمن يارحيم ياقادر .