إتلسعنا على قفانا .. يارجاااالة !!!
تخيل
لما تكون باصص فى مراية كبيرة .. وشايف شوية بلطجية جايين من وراك .. وراحوا
لاسعينك على قفاك لسعة موجعة .. وأنت علشان لوحدك ، وأضعف من هذه العصابة
بكتير .. فقد أخذت القفا ــ ياكبد أمك ــ
من غير ماتدافع عن نفسك أو حتى تحاول
منعهم أو ترد !!!!
هو ده
اللى حصل إمبارح بالليل بالضبط .. فالفتوة
الأمريكى البلطجى ، ومعاه أتنين صيعّ من صبيانه هما بريطانيا وفرنسا .. قاموا بضرب
سوريا ، رغم كل المؤتمرات الدولية ..
والأمم المتحدة .. وموافقة سوريا على دخول الخبراء للكشف عن الأسلحة الكيماوية !!
السيناريو اللى كتبته فى مقالى هنا يوم الخميس 12 أبريل بعنوان ( ماأشبه
الليلة بالبارحة ) .. أتنفذ بحذافيره ..وكأنى
كنت معهم .. فهؤلاء البلطجية لم ينتظروا
قرارات الأمم المتحدة .. ولا أنتظروا تقرير الخبراء .. ولا حتى أنتظروا
مؤتمر القمة غدا .. بل بالعكس فقد حرصوا
على الضربة قبل مؤتمر القمة .. وقبل أى تقارير مالهاش لازمة .. لأن قرار الضربة واخدينه من فترة ..والجدع غيرنا يورينا نفسه !!!
الحيزبونة
باربرا المتحدثة الرسمية الأمريكية بدأت مؤتمرها الصحفى بأبتسامة عريضة بجملة ( صباح سبت سعيد ).. وماكنزى المتحدث بأسم
البنتاجون قال بالحرف : (( إن سوريا ضربت
12 صاروخا توما هوك أرض جو .. بعد آخر صاروخ ضربناه ، ولم تضرنا إطلاقا .. ولكن هذه الصواريخ ستضر المدنيين لأنها بلا
هدف .. وفى عودتها للأرض ستتسبب فى دمار وضحايا )) .. ومعنى الكلام أن أى خسائر وضحايا ستظهر بعد هذه الضربة يبقى
النظام السورى هو السبب فيها !!!.
الضربه هى رسالة موجهة لروسيا (
أنتى مش نِد لنا .. وخللى إيران تنفعك ) ..ورسالة للعرب تقول (أحنا أسيادكم وتاج راسكم .. وماأنتم إلا عبيد لنا .. وأراضىكم هى للجباية .. نستحلب ثرواتكم وقت مانحتاجها )!!!
مش
حاأطول عليكم .. فالآخبار مليانه على
الشاشات .. أنا بس عايز أسأل حكامنا العرب
: بكرة أجتماع القمة فى الدمام .. ياترى ناويين تعملوا أيه علشان تحفظوا
ماء وجوهوكم أمام شعوبكم ؟؟.. ماهو حاجة من أتنين مالهمش تالت ..ياإما تبينوا
كرامة .. ياإما أنتم مشتركين ،وعارفين اللى حايحصل ،قبل مايحصل .. زى ماحصل
البارحة فى العراق !! .. وساعتها وأبوس
دقونكم .. بلاش تسمعونا كلمات النخوة ..والكرامة ..والعروبة ... والكلام الفاضى ده لأنه ماعدش ياكل مع
الشعوب ..وأنتظروا لسعة أشد على قفاكم كلكم قريبا !! وغدا لناظره قريب !!!
بقلـــــــــــــم
صــــــلاح إدريــــــــس
تم نشر المقال بجريدة ( الوطن ) عدد السبت 14
أبريل 2018
http://alwatneg.org/tfr/2427
ليست هناك تعليقات:
إرسال تعليق