مدد ياأم هاشم .. ياأم العواجز .
ـــــــــــــــــــــــــــــــــــــــــــــــــــ
عمرو موسى يقول : (( هناك نية لتعيين رئيس للجمهورية !!!! ))
وانا بأقول :ـ
1ـ أن الأصرار على أن تكون مدة الدعاية للمرشحين لمدة 21 يوما فقط .. وأحنا عندنا 27 محافظة !!
2ـ لازم توكيل من 30 ألف مواطن من محافظات مصر كلها ، وبما لايقل عن 1000 مواطن من كل محافظة !! أو 30 عضوا من مجلسى الشعب والشورى فى حين أن المجلسين إما أخوان أو سلفيين !!
3ـ وآخر حاجة خطاب تم توزيعه على كل القنوات الفضائية بحظر أستقبال أى مرشح للرئاسة وإلا سيحول مقدم لبرنامج والمعد والمخرج للمحاكمة !!! وأحتمال كبير لأغلاق القناة !!!!!! الله !! طيب ماتقولولنا بقى أنتم نويتم تعينوا مين وتخلصونا ؟ !! بدل وجع القلب .. والكلام الكتير .. والمصاريف اللى بالمليارات من لحمنا ودمنا .. !!
كشفت راسى .. وعلشان يمكن ماتنفعش ..كشفت معاها كل رؤوس الحريم اللى فى بيتى .. وحطيت وشنا كلنا فى السما .. ودعينا عليكم وقلنا .. ياررررب خلصنا بقى من القرف والمقرفين اللى قرفونا فى عيشتنا .. واللى عايزنا نقول : ولا يوم من أيامك يامبارك !! يارررب خدهم كلهم شيلة واحدة ..أخدةّ عزيز مقتدر .. وماتسيبش منهم حد .. وأنت علام الغيوب .. وعارف أنا قصدى مين ومين ومين بالضبط !!
ويارب أنت عارف أكتر حاجة صعبانة علىّ أيه !!! إننا فى عهد الثورة الينايرية المجيدة .. ولسه بنكشف راسنا وندعى زى ماكنا من ستين سنة .. لاحول ولا قوة إلا بالله .. وحسبنا الله ونعم الوكيل !!
ليست هناك تعليقات:
إرسال تعليق