زهقنا من ريحة الموت
ـــــــــــــــــــــــــــــــــــــــــ
زهقنا من ريحة الموت
اللى محاصرانا من كل ناحية!! .. النهاردة أستشهد أكتر من 7 من جنودنا ، وأصيب أكتر
من 10 منهم فى جنوب الشيخ زويد بشمال
سيناء .. ولغاية دلوقت الساعة 6م وقت كتابة هذا المقال لسه القتال شغّال بين الجيش
والأرهابيين .. ولأن الجيش خايف على السكان الأبرياء فى الشيخ زويد وماحولها ، فإنه يراعى الحرص الشديد فى التعامل
مع الإرهابيين !!!! ولأن هؤلاء المجرمين يعلمون ذلك فإنهم يستغلونه بأستخدام هذه المنطقة كمنطقة رئيسية لعملياتهم القذرة .. ومكان مثالى
للأختباء والتخفى !!
يبقى كده تاهت ولقيناها .. والحل الوحيد هو
إخلاء المنطقة الحدودية مابين الشيخ زويد
ورفح تماما من سكانها .. وبعدها تُدك على رؤوس الإرهابيين دكا لاعودة بعده أبدا .. ولايوجد حل آخر للأسف
.. لأننا زى مازهقنا من ريحة الموت فقد
زهقنا برضه من شيخ الأزهر والمفتى وهما ينددان ويشجبان كل عملية إرهابية !!فى الوقت الذى تمتلأ فيه
مناهج الأزهر بالتطرف فى الإسلام من غير
ماحد يفكر أن يعيد مراجعة مناهح الأزهر
كلها .. وكمان زهقنا من الخبراء الأستراتيجيين اللى بالمئات واللى طلعولنا من تحت الآرض بعد ثورة
يناير .. وكل شاويش وعسكرى فيهم يطلع
يتفلسف ويتمطع علينا بكلام كبير أكبر منهم كلهم .. وزهقنا كمان من الجهات الرسمية اللى بتطلع تقول كلام فى كلام فى كلام ومابناخدش منهم غير كلام .. بصراحة الزهق وصل للحلقوم .. وأتخنقنا خلاص !! لازم الريس النهارة يرفض أى تعازى لغاية ماياخد بالتار .. ويأمر
مجلس الأمن القومى اللى مجتمع معاه دلوقت أن يبدأ فى وضع الخطة الشاملة لترحيل
سكان الشيخ زويد خلال أيام قليلة .. علشان
الجيش يقدر يتعامل مع الإرهابيين الجبناء .. ولو ماحصلش يبقى مافيش أمامنا غير التسليم بالهزيمة ، وإعادة
مرسى ، وقبول حكم الإرهابيين حفاظا على أرواح أبنائنا .
ليست هناك تعليقات:
إرسال تعليق