حقوق الوطن .. وحقوق
الأنسان .
ــــــــــــــــــــــــــــــــــــــــــــــــــــــــــــــــــ
أنا مع الرأى اللى بيطالب بمحاكمات عسكرية لكل قضايا الإرهاب ..
والسبب إن المحاكم المدنية بتاخد وقت طويل
جدا ، لأن عدد القضايا المعروضة عليها بمئات الألوف .. ولغاية ماييجى الدور على
القضية دى ولا دى يكون عدى سنة ولا أتنين
!! يتمتع خلالها المتهم بالأكل ىالدسم السمين
زى بط مرسى ، وجمبرى عصام سلطان ـوإستاكوزا بديع ، وخرفان
حازم أبواسماعيل .. ده غير أنهم مرفهين وفى سجن متحضر وعندهم تليفزيونات وجرائد يومية وزيارات مستمرة
وبلاوى كتيرة مسموح بها ( إن
ماكانش بصورة رسمية فبالفلوس الكتيرة
يقدروا يشتروا كل العساكر والصولات الغلابة لتحقيق مطالبهم ) .. وكفاية إنه لغاية دلوقت ، لم يصدر حكم
واحد ضد أى إرهابى من المقبوض عليهم بما فيهم المعترفين بجرائمهم !!!!!!!
لكن المحاكم العسكرية حاجة تانية
لأنها بتفطع عرق وتسيح دم .. يعنى محاكمات
سريعة وحاسمة وعادلة أيضا .. ومضمون عدم
الرشاوى وشراء الذمم .. وفى نفس الوقت حاتبقى الأحكام رادعة أيضا .. وأضرب الممسوك
يخاف السايب .. لكن أستمرارنا بالوضع الحالى بحجة حقوق الأنسان .. والكلام الفاضى
اللى بيضيع حقوق البلد علشان حقوق الأنسان .. وكأن الجندى اللى بيتقتل ده مش أنسان أصلا ، ومالوش حقوق ..
والحقوق يس للقتلة والأرهابيين .. القيادة السياسية لازم تاخد موقف قوى وواضح
وشفاف .. وتراعى حقوق الوطن وجنوده البنى
آدمين الأبرياء .. قبل حقوق الأنسان الإرهابى القاتل .
ليست هناك تعليقات:
إرسال تعليق