ديل الكلب عمره مايتعدل .. ولو علقوا فيه قالب !!!

ديل الكلب عمره مايتعدل .. ولو علقوا فيه قالب !!

ــــــــــــــــــــــــــــــــــــــــــــــــــــــــــــــــــــــــــــــــ

 مش فذلكة .. ولا منظرة .. ولا تعالى  منى والله .. لكن الكلام اللى كتبته إمبارح فى البوستات التلاتة على صفحتى ومدونتى يتحقق النهاردة على الأرض .. وأكيد أنكم كلكم فكرتم برضه فى اللى أنا كتبته لأنه مافيش حاجة تانية أمامنا غير اللى قلته .. وطبيعى ومن باب أولى أن تهتم القيادة السياسية  بما حدث ويتجه تفكيرها أيضا لنفس الأفكار وأكتر .. وتم البدء بالفعل فى أتخاذ العديد من الخطوات  منها :ـــ

1ـ   البدء فى التخطيط الكامل لإخلاء الشريط الحدودى من السكان  بين الشيخ زويد ورفح بطول 14 كيلومتر ، علشان الجيش يفضى بقى للإرهابيين من غير مايكون خايف على أى مدنيين أبرياء .

2 ـ   زيادة على كدة  سيبدأ فورا  بناء سور عملاق على طول الحدود مع غزة بأرتفاع شاهق جدا .. وكمان عمق مؤسس فى الأرض بعمق كبير جدا بحيث يغلق تماما ويسد الطريق على أى أنفاق حالية أو مستقبلية .

3 ــ   تعديل  قوانين القضاء العسكرى   ، وإحالة كل قضايا الإرهاب للقضاء العسكرى .

4 ـــ  سيتم خلال أيام قليلة الأعلان عن تفاصيل العملية .. وللعلم فإن كتائب القسام المنتمية لحماس شاركت فى العملية  وساعدت المجرمين أيضاالتنفيذ  وساعدتهم  على الهرب إلى غزة عبر الأنفاق .. والعملية بتمويل كمصرية منذ عصبير جدا مباشر من قطر وتركيا وتم رصده وسقطت الأدلة الدامغة لدى المخابرات  والأجهزة الأمنية منذ مساء أمس فى وقت متأخر جدا .

وبصراحة عرفت تفاصيل  وإجراءات كثيرة جدا  تمت وتتم وستتم  .. ولكنى وعدت بعدم الحديث عنها ، ولكنكم ستعرفونها خلال أيام بإذن الله .. لكن المهم اللى لازم تعرفوه إن جيشنا بخير وشعبنا بخير ومصر بألف  خير ..

(( ويمكرون  ويمكر الله  والله خير الماكرين ))