أحنـــا
والصومــــــال !!
ـــــــــــــــــــــــــــــــــــــــــــــ
النهاردة الصبح فى نشرة الأخبار الأولى بإذاعة القاهرة الساعة 7 صباحا .. كان أول خبر
فى النشرة هو لقاء السيسى مع رئيس قبرص ورئيس وزراء اليونان .. وتانى خبر على طول
هو أتصال رئيس الصومال بالرئيس السيسى وتبادلهم الحديث والمناقشات بخصوص الروابط
بين البلدين !! غريبة شوبة مش كده ؟ .
وعلى الضهر كده أتصل بى الصديق العزيز
الدكتور شريف الأباصيرى وقاللى النهارده الصبح فى نشرة سبعة سمعت خبر عجيب ومش
قادر أفسره ؟ فقلت له على الفور خبر الصومال
فأستعجب وقاللى فعلا .. فقلت له ياريتك تجيب الخرايط من جوجل وتلقى نظرة
عليها وتشوف موقع الصومال وأهميتها بخصوص
مصر وكل دول الخليج وأولهم السعودية ، و باب المندب اللى الحوثيين فى اليمن
والأخوان بيهددونا بيه !!وكمان موقع
الصومال من اليمن والسعودبة وأثيوبيا والسودان
وأريتريا .. ومن الذكاء أننا نوطد علاقاتنا وصداقتنا مع الصومال تأمينا
لأنفسنا وتأمينا لكل دول الخليج وحائط صد مهم أمام الأنفلات اليمنى وتوقع زيادته
والحكاية مش ناقصة !!
ولو المصريين يتأملوا بدقة وعناية كلام
وتصرفات وعلاقات السيسى يعرفوا أننا على اتطريق الصحيح وكل شوية بيزيد أطمئناننا .. يمكن فيه شوية
أخطاء وتجاوزات ولخبطة!! لكن برضه فيه
حاجات كويسة .. وإنشاءالله الملخبط يتصلح
، والتجاوزات تتعالج ، وترجع مصرنا
الجميلة اللى جيلنا عاشها وأتحرم منها
الأجيال الشابة ..
ليست هناك تعليقات:
إرسال تعليق