حكومة هَبّلَة ..
ومَسِكوها تار !!
ـــــــــــــــــــــــــــــــــــــــــــــــــ
أسعار الكهرباء زادت .. والمياه زادت ..
واللحوم زادت .. والخضار زاد .. والميكروباصات أجرتها زادت .. والزبالة زادت .. والزحمة زادت .. والرشوة زادت
..والمحسوبية زادت ..والظلم برضه زاد .. وقِلة الأدب وقِلةالأخلاق زادت .. وكل حاجة زادت
للأسوأ .. والحاجة الوحيدة اللى نقصت هى
قدرة المواطن على تحمل كل هذه الأعباء المادية والمعنوية !!!
تحس ياأخى أن حكومتنا حكومة هبلة ، وأن جماعات الظلام والمصالح ، ضحكت عليها
ولبستها العِمة وأقنعتها بإصدار قرارات
كثيرة تخللى المواطن يكره نفسه ، ويكره حكومته ، ويكره قياداته !!.. ويوصلوه
لأسوأ حالات الأحباط !!! وبعدها طبعا معروف أيه اللى حايحصل ؟ حايبقى فيه تربة
صالحة ، ومناخ جيد ومهيىء لتجنيد وأستقطاب المزيد و المزيد من الشباب للإنضمام للجماعات الإرهابية اللى بترش الفلوس
رشّ تحت رجليهم .. أصحى ياحكومة ، ربنا ياخد البهايم !!
بقلــــــــــــــــــــــــم
صـــــــــلاح إدريـــــــــــــــس
salahedris@gmail.com
مدون بالبلــدى
الفصيـــــح
ليست هناك تعليقات:
إرسال تعليق