الثـــو
رة على السيـــــسى !!
ــــــــــــــــــــــــــــــــــــــــــــــــ
صديقة عزيزة سألت على
الفيسبك : ليه الناس كتير شايفه البلد سيئة ؟ وعايز أرد
بالتفصيل لأنه فعلا سؤال مهم جدا !!
بيتهيألى إن السيسى
بتيجى له لحظات ندم إنه وافق على تولى الرئاسة !! لأن أى حد بيراقب الشارع المصرى ، ومواقع التواصل
الأجتماعى ،وقليل من قنوات الأعلام
المرئية والمقروءة ، يلاحظ أن نغمة التبرم والمعارضة زادت .. ونغمة الشكوى أرتفعت شويتين .. وشعبية السيسى نزلت شويتين .. والحكاية
مش صعب تتفهم أو تتقرأ ، فهناك أيادى
كثيرة مجهولة فى الدولة العميقة ( ماتحت الوزراء من قيادات وموظفين ) يعملون لصالح
النظام السابق أو الأسبق منه .. وأغلبية
العاملين فى سراديب وممرات الدولة عندهم
بلاهة وأستهتار ولامبالاة .. وطوال إنعدام الرقابة والحساب عليهم فهم يمارسون الفساد بصورة أكبر وأكتر وأشمل من
الأول !!
عندنا أرتفاع شديد فى الأسعار ، وزيادة
الفساد والرشوة والمحسوبية ، والرعاية الصحية العيانة ، والظلم وبطأ العدالة
وعماها أحيانا !! وبقاء الأوضاع على ماكانت عليه
بل للأسوأ !!
كل ده بيحصل وبغباء
شديد جدا، تلاقى المنافقين بحسن نية أو
بسوء نية ، أو بصدق من الأعلاميين يمدحون
فى السيسى ليلا ونهارا !! بمناسبة وبدون مناسبة
، والناس شايفه أن ده كتير قوى وزيادة عن اللزوم ، وأستفزاز وأستهبال
بصراحة !!خصوصا وأن مافيش حاجات ملموسة قوى أتحققت على أرض الواقع ، برغم أن رئيس الوزراء نَفَسُه أتقطع من الجرى من السلوم لأسوان وحلايب !! ، لكن تحس أنه بينفخ فى قِربة مقطوعة ! لأن
الناتج ولا حاجة والناس لسه تعبانه قوى ، ولُقمة العيش بقت صعبة ، والتفجيرات والعمليات
الإرهاب زادت ( برغم عدم فعالية أكثرها ــ لكن العيار اللى مابيصبش بيدوش ) .
وزى ماقلت للصديقة العزيزة ردا على سؤالها :
إن الناس كلها بعد ثورتين عظيمتين لبلدهم
، فإن سقف أحلامهم وأمانيهم أرتفع لعِنان السماء ، وخصوصا الناس البسيطة اللى توقعت أن كل أحلامها وأمانيها خلاص حاتتحقق ، وإن كل اللى اتحملوه لعشرات السنين من ظلم
وقهر وتهميش ، جِه الوقت بقى علشان يتغيروا ، يشّغلوا ولادهم
العاطلين ، ويتعالجوا كويس ، ومرتباتهم تزيد ، ويجوزوا بناتهم ، والأسعار ترخص ، وأمانى كثيرة جدا جدا ، خصوصا أنهم أخناروا المرة دى
رئيس بإرادتهم ، وشايفين كل الناس بتشكر وتمجد فيه ، يبقى أيه بقى اللى ناقص لتحقيق هذه الأمانى البسيطة ؟؟ .. وأنتظروا تحقيق الأحلام وهمه واثقين من
تحقيقها ,, لكن يافرحة ماتمت خدها الغُراب
وطار ، لقوا أنفسهم رجعوا زى الأول وأسوأ !! وأنقسمت الناس مابين حب جديد لنظام مبارك ، وتفضيل حكم
الأخوان ، وبطون وعقول موجوعة وخايفة من اللى جاى ، وحيرة وأضطراب وعدم وضوح
للرؤية والحقائق .
واللى حايتأمل ويحقق كويس حايلاقى الحقائق
كلها معروفة وواضحة ، فإن أموال طائلة
بلاحصر من تركيا وقطر وتنظيم الأخوان الدولى ، بتتصرف ببذخ لا محدود لإفشال مصر
وقيادتها وتخريبها ، والعودة بالبلد للمخطط الأمريكى الصهيونى الأول ، وإضعاف مصر
بأى وسيلة لأنها القوة الوحيدة والحيطة
الصدّ أمام مخططاتهم القذرة ،وبدون تحطيم
هذا الحائط لن يكمل المخطط اللى نجح أو كاد فى كل البلاد حوالينا .. فالفلوس
المتلتلة بتُستخدم فى الإرهاب ، وعمليات التجنيد وشراء الأسلحة والمعدات ، وفى
الدعاية برة وجوه مصر ـ وشراء ذمم من يؤثرون بالقول والفعل بالملايين ، وعمليات
غسيل المخ للولاد والشباب وتجنيد المزيد
والمزيد فى كل ساعة ، وكل ماتشاهدونه من
قلاقل وإنفجارات ومناقشات عمال دكاكين حقوق الإنسان وغيره وغيره .
والحل أيه ؟ امامنا
حل من تلاتة 1 ــ نستنسخ 100 مليون نسخة
من السيسى بدل الشعب المصرى كله !! 2 ــ نتخلص
من كل قيادات الدولة العميقة الفاسد
والصالح لأننا مش حانعرف نفرقهم من بعض بالسرعة المطلوبة !! 3 ــ نيجى على أنفسنا ونستحمل شوية ، ونقرأ بعناية وتأنى وفهم الحكاية اللى
حوالينا وعايشينها صح ، ونحسن من أنقسنا
وأخلاقياتنا ، ونشجع الآخرين على التحسن والتغيير
والوصول للمثالية ، ومحاربة الفساد بكل أنواعه بكشفه والتصدى له بكل الطرق .. السيسى لوحده عمره ماحايعرف يعمل
حاجة من غير تكاتفنا كلنا صف واحد .
يمكن يكون كلامى ده كلام
إنشا .. قلته كتير فى مقالاتى ، لكن صدقونى
ياأخوانا أقسم لكم بالعظيم ثلاثا
أن البلد مش حاتتغير للأحسن ، إلا بعد
أحنا أنفسنا مانتغير ، ولتبدأ بنفسك ، ولاتنتظر تغير الآخرين أولا ـ اللهم إنى بلغت .. اللهم فاشهد .
((إِنَّ
اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))
بقلــــــــــــــــــــــــم
صـــــــــلاح إدريـــــــــــــــس
salahedris@gmail.com
مدون بالبلــدى
الفصيـــــح
كل او اغلب النوبيون فلول ؟ ما ادى ليش كده هم مرسى كان يخاف ربنا فينا
ردحذف