مرسى وقردوغان .. مشكاح وريمة

مرسى وقردوغان .. مِشكاح وريمة !!

ــــــــــــــــــــــــ ـــــــــــــــــــــــــــــــ

            قردوغان من إمبارح وهو بيعتقل كل من يعارضه من الصحفيين  ، ورجال الأعلام والشرطة  ، الذين يعارضونه ، ويؤيدون خصمه المعارض  رجل الدين المقيم بالخارج  فتح الله جولن ..  ولغاية دلوقت أعتقل 27 شخصية عامة .. والمضحك بقى لما الأتحاد الأوربى أعترض ، وطلب منه الأفراج عن المعتقلين .. غضب وصرخ فى مؤتمر حاشد (( أننا لانسمح لأى شخص أو جهة التدخل فى شئون تركيا )) !!!!!  وحياااااة أُمك .. أشمعنى سمحت لنفسك التدخل فى شئون مصر عطّال على بطّال .. ومافيش خطبة ولا حديث لك إلا وتدخل مصر فى جملة مفيدة  ، معترضا  ،ومنتقدا ، ومهاجما بشراسة ..لكن حانقول أيه ؟ ماأنت زى أسي ،ادك الأمريكان  ، تعشق وتحترف  الكيل بمكيالين  ، وثلاثة وأربعة ، حسب المصلحة وأتجاهاتها .

          قردوغان وهو رئيس الوزراء  سخّرّ كل صلاحياته فى أخونة الدولة ، ومؤسساتها وقيادتها ، بأعتقال ، وفصل آلاف المعارضين من الشرطة والجيش والقضاء ، والأعلام ، وأشترى  ولاء الكثير من فقراء تركيا ، إما بالعصا أو الجزرة ، يعنى بالتهديد  ،والوعيد  ،أو الرشوة ( زى  أصحابنا البُعدا  بتوع الزيت والسكر ) .. وقام بتزويج السياسة بالدين  ، وغمض عينيه عن الفساد ، من رشاوى ، وأختلاسات ، ومحسوبية لمناصريه .. وأصبح معلوما لكل تركى  أنك لكى تعيش منعما وغنيا لابد أن تكون  عضوا بحزب العدالة والتنمية ،ومناصرا ومؤيدا للقردوغان .

          وزود  من قوة  مركزة كرئيس للوزراء فى نظام برلمانى .. وبعد قرب أنتهاء فترة رئاسته للوزراء  أوعز لحزبه ( العدالة والتنمية الأخوانى ) توأم ( الحرية والعدالة الأخوانى  )  بترشيحه لرئاسة الجمهورية ، ولكن رئيس الجمهورية فى النظام البرلمانى بلا أى صلاحيات ، فقرر وحزبه تغيير مواد فى الدستور ،  تمنحه الصلاحية الكاملة ليتحول النظام البرلمانى إلى نظام رئاسى .

        وكلما أعترض أى شخص على مايقوم به حزبه الأخوانى يتم أعتقاله فورا ، وتلفق له أى تهمه  .. و ماننساش أنه راعى رسمى للأرهاب  ، وكل أجهزة مخابرات العالم  ، حتى جزر الواك الواك عارفه كده  ، ولديها كل الأدلة !! بس الدنيا مصالح ياأبوصالح !! ولما تنتهى الحاجة لخدماته حاينضرب بأقدم جزمة  ، وتلاقى العالم الأول الحر الديمقراطى كله أنقلب عليه ، وقال عليه إرهابى متخلف  سعى لقمع شعبه ..وساعتها حانقعد ع الحيطة ونسمع الزيطة !! لأن الواقع وكل الشواهد بلتقول أن قر\دوغان كل يوم بيدُق مسمار جديد فى نعشُه !!

        وأظن دلوقت الكل عرف توأمة مشكاح وريمه .. أو مرسى وقردوغان  ، وتطابق الدماغ الأخوانية .. وحلم الخلافة الأسلامية   ( العثمانية سابقا ) اللى كان بيحلم بيها قردوغان ، وبيساعده فيها مرسى ،وعلى فكرة القرد لسه بيحلم وغرقان فى حلمه ،  ومش حاسس بالميه من تحته ومغرّقه السرير ، وهو نايم ، وفاكر نفسه بيعوم فى حمام السباحة بقصر الخلافة الأسلامية .

ــــــــــــــــــــــــــــــــــــــــــــ

بقلــــــــــــــــــــــــم

صـــــــــلاح إدريـــــــــــــــس

salahedris@gmail.com

مدون بالبلــدى الفصيـــــح

http://plackprince.blogspot.com