الدنيا مصالح ياأبوصالح

الدنيا مصالح ياأبوصالح

ـــــــــــــــــــــــــــــــــــــــــــــــــ

         السر الوحيد اللى لازم تفهمه  في  اللى بيحصل باليمن حاليا.

         علشان تفهم ان التحالفات الدولية مش مسألة عاطفية خالص ، وانها حاجة تتعلق بالمصلحة بتاعة كل دولة لوحدها ، تقررها:
– مصر بنحارب في حلف واحد بتشارك فيه قطر وتركيا ، اللي احنا بنشتم فيهم بقالنا سنين!! 

امريكا بتأيد الحرب دي رغم انها ضد الحوثيين اللي بيحاربوا تنظيم القاعدة اللي بتحاربه امريكا.
– روسيا ضد الحرب دي ، بس احنا مشاركين فيها رغم ان احنا وروسيا حبايب والريس بتاعتنا والريس بتاعهم سمن على عسل !!
، السعودية كانت بتساند علي عبد الله صالح وعالجته لما اتحرق !! ودلوقتي عايزة تحرقه بجاز وسخ !!
، علي عبد الله صالح كان بيحارب الحوثيين ودلوقتي هو حليفهم !!
، قطر بتحارب في حلف واحد مع الجيش المصري اللي هي شايفة “بلسان قناة الجزيرة القطرية” انه ميليشيات السيسي !!
 تركيا وقطر بيساندوا الاخوان ضد حكم السيسي !! وبيساندوا السيسي في حربه ضد الحوثيين اللي كان علي عبد الله صالح بيحاربهم بالاخوان!!!

           يبقى اللي لازم نفهمه : ان مفيش حاجة في السياسة والعلاقات الدولية اسمها مبادئ ولا قواعد.. هو مبدأ واحد وقاعدة واحدة.. كل دولة بتدور على مصالحها وبتحافظ عليها.. ده اللي بيحصل وده اللي المفروض يحصل.. وأحنا فاهمين ده من زمان قوى .. لكن مابدأناش ننفذه إلا قريب قوى .

(منقول مع بعض التعديلات)

بقلــــــــــــــــــــــــم

صـــــــــلاح إدريـــــــــــــــس

salahedris@gmail.com

مدون بالبلــدى الفصيـــــح

http://plackprince.blogspot.com

Face book  : salah edris

salahedrisــ صلاح إدريسTwiteer :

Top of Form

·

Bottom of Form