هجرة غير شرعية لقط مصرى شاب
ــــــــــــــــــــــــــــــــــــــــــــــــــــــــــ
قرر أحد القطط الشبان تجربة حظه ، والهجرة برة البلد يمكن البلية تلعب معاه ، و يتجوز قطة أنجليزية جميلة ، مع أنه مابيعرفش ينونو بالأنجليزى خالص .
المهم
صاحبنا القط الشاب وحانسميه ( سندباد ) زى ماالبحارة سموه .. أتسحب ودخل الباخرة ، وأستنضف صندوق كتان وأستخبى جواه
.. وأستحمل المسكين طول الرحلة 3000 ميل بحرى ــ ( 17 يوم ) ــ من 8 مارس ــ 25
مارس... من، غير أكل ولا شرب لغاية ماالمركب وصلت ميناء فيلكستو البريطاني .
وسمع البحارة نونوة السندباد ، وطلّعوه
من الصندوق فى حالة وحشة خالص من الجوع ، والعطش
.. وفورا السلطات البريطانية أعلنت الطوارىء، ونقلوه للمستشفى لرعايته .. وأكنشفوا
أن علاجه حايتكلف حوالى 2000 جنيه أسنترلينى ــ يعنى 25 ألف جنيه مصرى تقريبا ..
الشركة صاحبة الباخرة أتبرعت بــ 500 أسترلينى . والشباب البريطانى عمل صفحة على
الفيس بوك ، وإعلانات على التليقزيون لجمع تبرعات لعلاج سندياد .. وفعلا قدروا يجمعوا أكتر من
المبلغ المطلوب .. وسندباد حاليا يحظى
برعاية غير عادية ، ووشه نور كده
وأحلو ، ومازال بيتعالج وحايقضى فترة النقاهه هناك .. لغاية مايرجعوه بسلامة الله لأرض الوطن ..
بس بقى مش عارفين حايرجع ، ولا حايقرر البقاء هناك بعد ماالمراقبين قالوا أن فيه
أستلطاف جامد بينه وبين إحدى نزيلات المستشفى من القطط الأنجليزيات .. وربنا يعمل
مافيه الخير .. والله صبرت ونولت ياسندباد
ياضنايا .
بقلــــــــــــــــــــــــم
صـــــــــلاح إدريـــــــــــــــس
salahedris@gmail.com
مدون بالبلــدى الفصيـــــح
Face
book : salah edris
.jpg)
ليست هناك تعليقات:
إرسال تعليق