مسلسل عايزين مصر نظيفة (2)
ـــــــــــــــــــــــــــــــــــــــــــ
فاكرين
البوست اللى نشرته من كام يوم بتاع الموظفات اللى بتقشر كوسة ،واللى نايمة .. وطلبت منكم التكرم بنشره على
صفحاتكم .. وفعلا أتكرم 172 صديق لغاية دلوقت بنشره على صفحاتهم .. وطبعا نقل منهم
أصدقاء آخرين .. وبرضه صفحات كتيرة أخذت
مننا ، وأخذنا منهم .. وخلال يومين كانت
الجرايد المصرية بتتكلم على ظاهرة المصريين اللى قرروا يغيروا حياتهم بأنفسهم .. ومش بس المصرية .. دى الكندية
كمان فجريدة كندية نشرت النهاردة تحقيق بيقول
: ((إن المصريين اللى قاموا بثورتين فى 3 سنوات .. وغيروا رئيسين ، وبدأوا فى إستعادة ريادتهم المعروفة عنهم ..
تلبستهم روح أجدادهم الفراعنة ، وبدأوا
يكشفوا السلبيات فى مجتمعهم من خلال شبكات التواصل الأجتماعى بسرعة وإصرار مذهلين ، تجعلنا نثق فى قدرة هذا
الشعب العريق فى إستعادة مجد أجداده العظام )) .
وأستمرارا لمسلسل عايزين مصر نظيفة ... النهاردة أنا بأنشر صورة مكتب الشهر العقارى
بسيوف ــ الإسكندرية من الخارج .. و داخل
المبنى تعطيلات ، وإعاقات مقصودة ،
وطوابير لا تتحرك ، ولا تنتهى .. ووجوه
كالحة توشوشلك تعالى بره وأنا أخلصك فى 5
دقايق .. وفعلا تخرج وتعطى التوكيل
لصاحبنا ، ومعاه الفيزيتا من 150 ــ 200 جنيه !! فتقوله ياراجل حرام عليك دى الرسوم 30 جنيه بس
.. يقولك الكروش اللى جوه ومعطله الناس هى اللى محددة الفيزيتا !! و أحنا يادوب بس ناخد الفتافيت !! .. وتضطر تدفع
وبعد 5 دقائق فعلا تلاقى الأوراق المطلوبة خالصة ، ومنورة بختم النسر
وتوقيع وكيل الوزارة المحترم ..
شوفوا
بقى ياأصدقائى الأعزاء .. أحنا عايزين نفضح كل السلبيات ، ونشير الموضوع على صفحاتنا
بقلــــــــــــــــــــــــم
صـــــــــلاح إدريـــــــــــــــس
salahedris@gmail.com
مدون بالبلــدى الفصيـــــح
Face
book : salah edris
salahedrisــ صلاح إدريسTwiteer :
ليست هناك تعليقات:
إرسال تعليق