ولادك بيصالحوكى يامصر ياولاّدة

ولادك بيصالحوكى يامصر ياولاّدة

ـــــــــــــــــــــــــــــــــــــــــــــــــــــــــــــــ

      ولادك المخلصين يامصر زعلوا قوى لزعلك ،  وحزنك  ، من أولادك  اللقطاء ، المجرمين ،  اللى مش من بطنك .. واللى دايما مزعلينك  ، ودايما ماليين عينيكى  بالدموع  .. وإذا كان هؤلاء اللقطاء مئات ،  وحنى ألاف  .. فهناك الملايين من بناتك وولادك  اللى بيحبوكى بجد ،  وحق وحقيقى ، وبيبوسوا ترابك وحجارتك .. ويتمنوا لكى الرضا ترضى  ، وبيبذلوا كل يوم بل كل ساعة  الغالى والرخيص  ، وأنتى عارفة مافبش أغلى من الأرواح اللى بتروح علشانك كل يوم  ..

  وماتنسيش يا مصر أنك  طول عمرك  ولادة ، بالعباقرة ، والموهوبيين النابغين  فى الأدب والكيمياء والطبيعة والطب والهندسة وكل المجالات  .. ورغم كل الصعاب التى تواجهينها  ، إلا أنك ستظلين  دائما وأبدا تهبين  العالم  والبشرية ،المزيد والمزيد من العقول المصرية العبقرية .

وهاهى  واحدة من جيل العباقرة

بنت من بناتك المتميزات "ياسمين يحيى" الطالبة بمدرسة المتفوقين ، والتى حصلت على المركز الأول بمعرض إنتل الدولى للعلوم والهندسة (Intel ISEF) بالولايات المتحدة الأمريكية عن أفضل مشروع فى مجال العلوم البيئية والذى شارك فيه أكثر من 1700 طالب وطالبة على مستوى العالم ، ورفعت علمك  يامصر عالياً، وسط أجواء من السعادة والبهجة ، المشروع يعمل على حل مشاكل التلوث المتواجدة فى المجتمع المصرى مثل تلوث المياه عن طريق جهاز يعمل على تحويل أى مياه ملوثة إلى مياه مقطرة  ، كما يعمل على معالجة تلوث الهواء و الطاقة ، والجهاز يعتمد فى إستخدامه على الرمال و الحجارة  ،و مادة الزيوليت ،  وبذور نبات المورينجا  ، و قش الأرز ، ونوع معين من الطحالب تسمى سبيرولينا..

             ألف مبروك  لأبنتك  العبقرية يامصر  ( ياسمين  يحيى ) .. التى رفعت  علمك عاليا خفاقا  .. أدامك الله لأسرتك الصغيرة ،  ولأمنا الغالية مصر المحروسة  .

بقلــــــــــــــــــــــــم
صـــــــــلاح إدريـــــــــــــــس
salahedris@gmail.com
مدون بالبلــدى الفصيـــــح
http://plackprince.blogspot.com 
Face book : salah edris
salahedrisــ صلاح إدريسTwiteer :