إنطباعى عن أول جلسة لمجلس النواب الجديد

إنطباعى عن أول جلسة لمجلس النواب الجديد

المجلس فى جلسته الأولى حدث بعض اللخبطة ، والهيصة ،والفوضى ،  سواء من رئيس المجلس ، أوألأعضاء ، وتفسيرها أن الكل  عامل زى أتنين متجوزين جديد ، وكل واحد فيهم عايز يطبع التانى على طبعه .. الزوج عايز يدبح القطة ، والزوجه عايزة تدبح الكلب  .. وعملية شد وجذب رغبة من كل واحد أن يعرف التانى طبعه ، ويوصلّه رسالة ، بأنه مش سهل ودماغه ناشفة ،ولازم الطرف التانى يسمع له ويرضخ لطلباته ..

والحالة دى على فكرة طبيعية جدا ، خصوصا وأن أغلبية النواب جداد لانج ، ودخولهم المجلس لأول مرة .. وأتوقع أستمرار هذه الحالة من الشد والجذب لعدة جلسات ،وبعدين الدنيا تهدى شوية  وكل واحد يبان على حقيقته .. لأن فى النهاية الطبع يغلب التطبع .. يعنى ماينفعش تعمل أسد وأنت فى الأصل قطة !!