حقائق .. ولا عيونى مِعَمَصـــــــة ؟
فيه حاجة ملفتة للنظر ياأخواننا أنا شايفها ( مع أن عيونى تعبانة ) !! وعايزكوا تشوفوها معايا ، يمكن العيب فى عيونى :
1 ــ لما أتقاربنا مع روسيا وتعاقدنا على طائرات ، ومعدات حربية ثقيلة ..
وزادت السياحة الروسية ، بنسبة تتعدى ال70% عن الأعوام السابقة ..وبدأنا نجهز
مناخيرنا علشان نشمّ نفسْنا . حصلت كارثة الطائرة الروسية !!!!!
2 ــ
أول مابدأت الشركات الأيطالية أكتشافاتها للغاز مرة ، والتانية .. وقبل التالتة وأثناء زيارة الوزيرة الأيطالية اللى كانت فى زيارة مع
العديد من الشركات الأيطالية للأستثمار فى مصر... وقبل المصرييين مايناموا ،بعد
ماأستحموا، وأتوضوا ،وصلوا ، تمهيدا لأحلام سعيدة جميلة ،بالعيشة الكريمة
،لأولادهم ،وأحفادهم ..حصلت حكاية ( ريجينى
)الطالب الأيطالى .. ولسة ماخلصتش
لغاية دلوقت !!!!!!!
3 ــ
بعد زيارة العاهل السعودى ، وضخ
أستثمارات بأكتر من 20 مليار دولار من الحكومة السعودية .. والتأكيد للكل ، وخصوصا اللى بيصطادوا فى
الميه العِكرة !! بأنه لاخلافات بين البلدين .. والبدء قى ضخ أستثمارات سعودية
خاصة جديدة .. وفى نفس يوم نهاية الزيارة ، وقبل المصريين
مايوصلهم أى أمل بظروف أحسن ..وقبل
حتى ما الملك سلمان يوصل لمحطته
التالية ..طلعت حكاية جزيرتى ( تيران
وصنافير ) ..وبرضه لسه ماخلصتش لغاية دلوقت !!!!!!!
4 ــ النهاردة رئيس الوزراء الفرنسى بيزور
مصر مع أكثر من ثمانون شركة فرنسية كبرى للأستثمار فى مصر .. وفاكرين كل الأتفاقيات
المصرية ــ الفرنسية فى مجالات
التسليح بالطائرات وحاملات الطائرات ،
والنهاردة حايتم الأتفاق على غواصات متقدمة جدا جدا .. ورئيس الوزراء الفرنس
يااااادوب وصل ، ولسه حتى ماأكلش لقمة
ياعين أمه !! .. وإذ فجأة بدأ البعض
يتحدث عن مقتل المدرس الفرنسى (اريك لانج ) فى 2013 ..اللى كان ممسوك وهو سكران أثناء حظر التجول ..
وفى الحبس بتاع القسم أتلم عليه شوية
مقاطيع ، وأنتهى الأمر يقتله داخل الحبس ،
و رغم أن الحكاية معروف أولها وآخرها ،
والقتلة محبوسين ،وأتحكم عليهم وخلاص .. لكن طلعت أصوات تصرخ بضرورة إعادة التحقيق
.. وأن عائلته تقدمت بشكوى رسمية جديدة ، لفتح التحقيق من جديد ، ومعرفة كل تفاصيل الحادث .
بينى وبينكم ياجماعة الخير .. أنا كنت شاكك
فى الأخوان زى ناس كتير.. لكن السيناريو المُحكم ،والمترابط اللى تم به تنفيذ كل هذه الأحداث ، بكفاءة ،ودقة
متناهية خلانى أعيد تفكيرى .. فالأخوان
مهما ملكوا من أموال ، وذكاء إلا أن أموالهم ،وذكاؤهم اللى أحنا كلنا عارفين
حدوده مش ممكن يوصلوا للدقة العالية دى !!
ولابد أن يكون وراء كل ذلك أجهزة مُدربة ، ومتوتكة ، وعندها الخبرة ، والمعلومات
، والأمكانيات .. ويبقى ياأحبائى مافيش
أمامنا إلا أجهزة مخابرات محترقة ،وعارفة هى
بتعمل أيه . وبتعمله أمتى ؟ وأزاى ؟ .. وجايز يكونوا أستعانوا بالأخوان فى بعض
الأمور .. أو الأخوان أشتروا أجهزة مخابرات ،بملياراتهم اللى مابتخلصش .. لكن الأخوان لوحدهم مايقدروش يعملوا كل ده وبالكفاءة العالية دى !! .. ياترى يقى أنتوا
شايفين اللى أنا شايفه ، وحاسُه ؟ ولا عيونى دغششت خالص ، وأحاسيسى كمان ؟ ياريت تفيدونى ياأحوانا
، وماتسيبونيش قلقان كده !!
بقلـــــــــــــــم
صـــــلاح إدريـــــــــس
تم نشر المقال بجريدة الوطن عدد الأحد 17
أبريل 2016
view-source:http://alwatneg.org/tfr/213
ليست هناك تعليقات:
إرسال تعليق