فرحة ماتمت !!
ــــــــــــــــــــــــــــــــــــــ
أتنطط من الفرحة .. ولو كنت أعرف أزغرد كنت زغردت .. وأنا بأقرأ القرارات دى على أحد
المواقع .. على أنها صادرة من مجلس الوزراء .. ( بس أرجوك لاتتنطط .. ولا تزغرد مثلى لغاية ماتقرأ للأخر ) ..
والقرارات هى :ــ
1 ـــ ضم الصناديق الخاصة لموازنة الدولة .
تخفيض البعثات الدبلوماسية الي
النصف . 2 ـــ
3 ـــ تخفيض مرتبات الوزراء و مديري مكاتبهم .
3 ـــ تخفيض مرتبات الوزراء و مديري مكاتبهم .
4 ـــ تخفيض
عدد المستشارين .. كل وزير له بحد أقصي 2 مستشارين.
5 ـــ تقليل سيارات مواكب الوزراء الي سيارة للوزير و
سيارتين للتأمين ..
6 ـــ دراسة الغاء سفر الوزراء في ا(لأولى الممتازة المميزة ).. وسفرهم بفئات أرخص توفيرا للعمة الصعبة .
6 ـــ دراسة الغاء سفر الوزراء في ا(لأولى الممتازة المميزة ).. وسفرهم بفئات أرخص توفيرا للعمة الصعبة .
وبعد مااتنططت ، وعملت بوليكة ، وتخيلت عدد مليارات الجنيهات والدولارات التى ستعود ، أو توفرها خزينة الدولة .. إذ فجأة راحت السكرة ، وجت الفكرة ، وأفتكرت أنى تابعت المؤتمر الصحفى اللى عمله من يومين المهندس / شريف أسماعيل ـ رئيس الوزراء .. وماسمعتش الكلام ده !! فقلت الأحسن أنى أتأكد قبل ماأكتب عن الموضوع .. ولفيت النت ،والجرائد كلها، الصادرة اليومين اللى فاتوا .. وموقع مجلس الوزراء.. فاكتشفت أن كل القرارات دى لسه تحت الدراسة حسب كلام شريف أسماعيل .. وأنهم يبحثون عن طرق للدعم المالى لميزانية الدولة وأن دى أفكار لسه بيدرسوها!!
وأنا بأقولهم ــ دام فضلهم ـــ بيتهيألى
أن كل المصريين وأنتم طبعا ضمن المصريين ..عارفين أن القرارات دى صحيحة وسليمة
100% ..ومنتظرينها من سنين وسنين وسنين ، ومشتاقين لها شوق العطشان
بصحراء قاحلة لنقطة ماء !!
يبقى المطلوب أنكم يامجلس الوزراء .. تقطعوا عرق
، وتسيحوا دم .. وتخلصوا ، وتبلوا ريق الشعب اللى حايدخلكوا التاريخ بهذه القرارات
!! وماتطولوش فى الدراسات ــ ربنا يكرمكم ــ والدراسات تبقى قاصرة على آلية
التنفيذ فقط .. مش ننفذ ولا ماننفذش !!!
علشان الناس تحس أنكم حاسين بيهم .. وأنكم النخبة ،وأصحاب
السطوة والحكم .. بتشاركوا عموم الشعب الغلابة فى آمالهم وأحلامهم فعليا .
وكلنا عارفين ومتأكدين أن صدور هذه
القرارات خلال شهر أكتوبر الجارى هو أفضل الأوقات على الأطلاق ، وعلى كل المستويات
.. فإنكم بإصدور هذه القرارات بتصبوا ماء بارد فوق نيران ملتهبة ، توشك أن
تأكل الأخضر واليابس !!.. بداية من أر تفاع الأسعار ، والضرائب ، والعدالة الأجتماعية ، والواسطة ،والمحسوبية.. وطبعا أستعلال أعدائنا بالداخل والخارج لكل هذه
النيران ليحرقوا البلد بناسها !!!
صدور القرارات يثبت أن الحكومة شايفة وعارفة وحاسة بنبض الشارع المصرى .. والحكاية
مش بالكلام وخلاص .. لكن بالفعل ..
وآدينا قاعدين منتظريين .. ويارب ماأغيرش عنوان المقال إلى يافرحة ماتمت .. خدها الغراب وطااار ) !!)
وبندعى ونقول ياااااااااااااارب !!! .
بقلــــــــــــــم
صـــــلاح إدريـــــــس
salahedris@gmail.com
تم نشر المقال بجريدة ( الوطن ) عدد الجمعة
21 أكتوبر 2016
http://alwatneg.org/tfr/1069
ليست هناك تعليقات:
إرسال تعليق