فرط حباية جديدة من عنقود شعراء العامية ..
رحل سيد حجاب .
ما تسرسبيش يا سنيننا من بين
ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا
ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانين
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا
ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانين
الكلمات الجميلة دى لمقدمة مسلسل ( ليالى الحلمية ) هى لشاعر العامية العظيم ( سيد حجاب ) اللى رحل النهاردة 25 يناير .. ليلحق برفيقه
وصديق عمره الخال عبد الرحمن الأبنودى ..
سيد حجاب كتب مئات القصائد العامية لكبار المطربين والمطربات .. ومئات المقدمات للمسلسات الخالدة زى (ليالى
الحلمية وأرابيسك ) وغيرهم ..كما كتب للأطفال .. وكتب العديد من المقالات الوطنية
كشعره .. فقد كان مصريا أصيلا تفخر به مصر ..كما تفخر بكل مبدعيها الراحلون .. واالمعاصرون ..
رحم الله الشاعر الكبير سيد حجاب .. والخال الأبنودى .. .. وصديقى العزيز أحمد فؤاد نجم
..وكل من رحل من مبدعينا .
ليست هناك تعليقات:
إرسال تعليق