خلاص مافيش ولا دم .. ولا خِشا .. ولا إحساس
..
مجلس النوااام .. مش ناوى يجيبها لبرّ !!!!
فى الوقت اللى الشعب فيه مش لاقى ياكل
، أو يتعالج .. والأسعار نااااار .. وتدنى الخدمات الصحية والتعليمية .. وكفاح
السيسى لوحده ( آى والله لوحده ) ..على
رقع الأعباء عن كاهل الغلابة ، والمساكين
اللى كتروا فى مصر !! بعد تلاشى وأختفاء
الطبقة الوسطى .. وأصبح الكل بيسأل الله فى حق النشوق !!
يطلع
علينا اللى مايتسماش ويختفى أسمه من
الدنيا كلها (مجلس النواااام ) .. اللى أعفى نفسه فى أول جلساته من دفع أى ضرائب !! زى بقية خلق الله اللى مش لاقيين
ياكلوا !!.. أبتدأ إمبارح بنفاق واضح
وممجوج ، وبمذكرة من (أئتلاف خراب مصر ) .. مناقشة قانون جديد يعفى رئيس مجلس الوزراء والوزراء والمحافظين من الحد
الأقصى للأجور .. اللى هو 42 ألف جنيه شهريا .. وبيطالب بأستثناؤهم .. وزيادتهم !!! زى ماعملت البنوك من شهر تقريبا ومحدش فتح بُقه .. وكمان تكون معاشاتهم 80% من المرتب !!..
فى
الوقت اللى أصحاب المعاشات بيطالبوا بالحد
الأدنى للأحور وهو 1200 جنيه .. وكمان أيه
من فلوسهم اللى سرقها بطرس غالى ووضعها ضمن ميزانية الدولة !! وبما
يزيد عن 535 مليار جنيه ( أيوه خمسمائة
وخمسة وثلاثون مليار جنيه ) من فلوسهم الشخصية
،ومش من ميزانية الدولة !! .. واللى دفعوها
من عرقهم ، وشقاهم طوال مدة خدمتهم .. اللى بتوصل لــ 30 و 40 سنة خدمة .. وكل
مطالبهم هو العدالة .. العدالة .. العدالة .!!!
ودلوقت مجلس النوااااام عايز يعطى الوزير اللى
بيقعد كام شهر وبالكتير سنة فى العمل ،مرتب
42 ألف جنيه .. ولما يطلع معاش ياخد 33600
جنيه .
ونسيوا أو
تناسوا أن السيسى تنازل عن نص مرتبه .. وكمان نص ثروته اللى ورثها من أهله !!! ياعالم أختشوا بقى على دمكوا .. هو مكتوب
على المصريين أن العلابة بس همه اللى يشيلوا هم البلد .. ويبذلوا الغالى والرخيص
فى سبيلها .. وأصحاب الياقات البيضاء هم الأسياد اللى يأمروا ، وينهوا ،ويمنحوا ويمنعوا .. الله يخرب بيوتكم يابُعدا .
عارفين ياجماعة الخير لو القانون ده
وافق عليه أغلبية المجلس .. يبقى مافيش أمامنا إلا إسقاط هذا المجلس القمىء ، ويحق
للشعب سحب الثقة منه .. ويبقى أحنا كده عدّانا العيب وقزح .. و تبقى على نفسها جنت براكش !!!!! .
حاتكوا القرف مليتوا البلد يقرفكوا !!
بقلـــــم
صــــلاح إدريــــس
تم نشر المقال بجريدة ( الوطن ( عدد الأربعاء
25 يناير 2017
http://alwatneg.org/tfr/1568
ليست هناك تعليقات:
إرسال تعليق