تم نشر المقال بجريدة الوطن يوم الخميس 22
أكتوبر 2015
ـــــــــــــــــــــــــــــــــــــــــــــــــــــــــــــــــــــــــــــ
ربنا يقفلها فى وشوشكم يابُعدا !!!.
ـــــــــــــــــــــــــــــــــــــــــــــــــــــــــــــــــ
مسجد سيدنا الحسين مقفول أيام الخميس والجمعة
والسبت .. ليه ياأخوانا فيه تجديدات ؟ لأ !!
.. يبقى تهديدات أمنية ؟ لأ !! يبقى زيارة لعظيم ؟ .. لأ !! ..
أُمال أيه الحكاية ياجدعان ؟
الحكاية أن وزير الأزوقاف وصبيانه من الدراويش خايفين من الشيعة أن يقوموا
بشعائرهم فى يوم عاشوراء ، علشان كده قالك
نقفل أحسن !! وأيه التهديد اللى ممكن يحصل لو الشيعة قاموا بشعائرهم ؟ همه الشيعه دوول مش مسلمين برضه ؟ وبقالهم مئات
السنين بيمارسوا شعائرهم بحرية .. وعمرنا ماسمعنا عن سُنى تشيّع .. وحتى
لو حصل مايتشيع ياأخوانا ، أيه
المشكلة فى كده ؟ ده حسابه مع ربه هو
الأعلم والأدرى بيه ، إذا كان هناك خطأ فى ذلك !!!
بذمتكم دى بلد ؟ .. ولا دوول مسئولين ؟ كل مايكون فيه أى نوع من المشاكل الصغيرة أو
الكبيرة .. تلاقى المسئول من دوول يقولك ياعم بلا وجع دماغ ، وكمان علشان الرئيس مايحسش أن فيه تقصير .. يبقى اللى بيحصل فى
البلد كلها أن عندنا وزراء ومسئولين لايهمهم إلا إرضاء الرئيس .. تهديدات فى المترو يقفلوا محطة رئيسية زى محطة السادات شهور طويلة ،
والغلابة اللى بيستفيدوا من المترو فى أشغالهم ،يروحوا فى ستين داهية ، المهم دماغنا ياعم
الحاج !! جامع كبير زى الحسين وفيه وجع
دماغ متوقع من الشيعة ، يبقى نقفله ياعم وبلاش نجيب لنفسنا صداع !! والله أنا خايف
وزير الصحة الجديد اللى تعبان أكتر من اللى قبله، وأكتر من العيانين أنفسهم ، يقفل بعض المستشفيات
علشان العيانين مايشتكوش !! ووراه على طول
التعليم ، والتموين ، وهلم جرا ... !! ،وشوية شوية مؤسسات الدولة كلها تقفل !!
والشعب يقعد يكاكى ويهوهو وينعر مالناش
دعوة ..
إلهى تتقفل فى وشوشكم يافاشلين يابُعدا ..
وياخدكم ربنا أخدت عزيز مقتدر .. واللى موافق يقول آمين !!
بقلــــــــــــــــــــــم
صــــلاح إدريـــــــــــس
ليست هناك تعليقات:
إرسال تعليق