تم نشر المقال بجريدة الوطن الأربعاء 21 أكتوبر 2015
دكتور مسالك بولية
يجيب فريمان من قفاه للأمن الوطنى !!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنا خلاص حاأتجنن ، وضغطى بيعلى ، والسكر بيرتفع .. بسبب
المسئولين الأغبياء اللى فى بلدنا ، واللى
عايزين يجيبوها ورا .. ولو أستمرت الحكاية كده يبقى حايجيبوها فعلا ورا ، أكتر
ماأحنا متنيلين بستين نيلة ورا فى آخر الصف !!!
والحكاية بأختصار أن الممثل العالمى ( مورجان فريدمان )
وصل مصر من يومين علشان بيصور فيلم تسجيلى لقناة ( ناشيونال جيوجرافيك ) ..
والفيلم أسمه (
The Story of Godــ قصة الإله ) و
يتحدث عن الأديان والطقوس في العالم.،
وﺍﻟﻔﻴﻠﻢ
ﺳﻴناقش ﺳﺮ ﺍﻟﺨﻠﻖ ،ﻭﺍﻟﺒﺤث وراء المعجزات الدينية ، ويلقى الضوء
على كل الأديان فى العالم .. واﻟﻔﻴﻠﻢ ﻣﻦ ﺍﻟﻤﻔﺘﺮﺽ ﺃﻥ ﻳﻌﺮﺽ ﻋﺎﻡ 2016 ﻋﻠﻰ
ﻗﻨﺎﺓ ﻧﺎﺷﻴﻮﻧﺎﻝ ﺟﻴﻮﺟﺮﺍﻓﻴﻚ ﻓﻰ ﺍﻟﻮﻻﻳﺎﺕ ﺍﻟﻤﺘﺤﺪﺓ ، ﻭﻓﻰ 171 ﺩﻭﻟﺔ ﺑـ 45 ﻟﻐﺔ .
يعنى أحنا لو
عايزين نعمل دعاية لمصر علشان نرجع السياحة اللى ميتة من أربع سنين ونص .. مش حانلاقى أبدا
أبدا فرصة زى دى وجاتلنا ببلاش .. ولو حا نمولها من جيوبنا يبقى حاتكلفنا أكتر من
250 مليون دولار على الأقل .. علشان بس نجيب نجم زى ده ويقف أمام الأهرامات ويقول
كلمتين أتنين بالعدد .. وحايبقى برضه أسمه إعلان مدفوع الأجر يفتقد إلى المصداقية .. اللى بيحققها فعلا أن فريدمان وفريق الفيلم جايين بمزاجهم ،
وبيصوروا فى بلد رائدة فى العالم العربى والأفريقى ، ومهد الحضارات الفرعونية والأسلامية .
وسيبنا من حكاية أن ماكانش فيه ولا حتى ساعى من
وزارة الثقافة أو السياحة أو كومبارس سينمائى فى أستقباله .. لكن كان ممكن تلاقى
بوكس الأمن الوطنى واقف بضهره أمام صالة كبار الزوتار فى أنتظار النجم العالمى ليجرجروه للقسم ، وفين قفاك ياحلو ياأسمر !!.
قوم أيه نلاقى عندنا واحد متخلف عقلىا يرأس جهاز
الرقابة على المصنفات الفنية أسمه الدكتور
عبد الستار فتحى .. وأعتقد أنه دكتور فى
المسالك البولية .. هذا الدكتور أول ماعرف أن الفيلم بيتكلم عن
الآديان قام بإصدار بيانات رافضة للفيلم
.. وأنه مش حايعطيه تصريح للتصوير .. وأنه حايبلغ الأمن الوطنى .. يعنى يبعت بوكس
فيه ضاط و2 مخبرين للفندق اللى فيه النجم
العالمى ،ويجيبوه من قفاه للقسم وفين يوجعك لغاية مايقر بمين اللى حرضه .. ويعلن
إسلامه ؟!!!
علما أن إصدار التصاريح للأفلام الأجنبية من النوع ده مش من سلطة
الرقابة على المصنفات الفنية ، بل من سلطة هيئة الأستعلامات .. لكن دكتور المسالك
البولية مايعرفش المعلومة دى .. وطبعا لأنه موظف
، ولازم ينافق ، ويبين لمخدومه أنه راجل شغال ، وخايف على مصلحة البلد .. ولأن عقده
ينتهى آخر السنة ، وطمعان فى التجديد فما
صدق يلاقى طريقة سخيفة ، ورخيصة علشان يبين إخلاصه لرؤسائه .. من غير أن يفكر هذا
الغبى ولو لثانية واحدة فى مصر .. وصالحها .. واللى ممكن يعود عليها بالمليارات من
هذا الحدث الفنى الرائع .. ولو حتى نشرنا صور فريدمان وهو بيتمشى فى شارع المعز،
أو الأهرامات أو كورنيش النيل اللى زارهم
كلهم فعلا النهارده .
أيتها السماء صبى غضبك على
الأغبياء الذين يسيئون لبلادهم ، ويريدون
خسارتها ، ودمارها بعقولهم الخاوية من فص الذكاء ومحطوط مكانه فص توم .. وأيتها
السماء ياريت تخصصى لعنتك على دكاترة المسالك البولية اللى بيشتغلوا فى الرقابة
الفنية .. وكفاية بقى قرفنا من ريحتكم النتنة .
بقلـــــــــــــــــــــــم
صـــــلاح إدريـــــــــــــس
salahedris@gmail.com
ليست هناك تعليقات:
إرسال تعليق